((أحلى ماخلق ربي))

حفلـــــة ريما كانت كبيرة...(نسائية)..وحضروا من خوال ريما (الجدة هياء..ندى..هند..هيفاء..)اما من عمامها(ام نواف..ام عبدالرحمن..نوف...العمة نورة..الهنوف...) وصديقات ريما(اسماء ..رشاء..مشاعل..)



اول ماتجمعوا الناس واكتملوا جلسوا في الصالة..وبعدين طفت الانوار....والليزر على الدرج نزلت ريما على اغنية احلام(نجحنا والله وفقنا..واخر صبرنا نلنا..) وكانت لابسة عباية التخرج وقبعة التخرج..

اول مانزلت الكل جاء وبارك لها..بالنجاح وريما كانت مبسوطة ..وبعدين قطعت ريما والهنوف وصديقاتها تورته النجاح..

بعدين شغلوا المسجل ومع الاشرطة يعني وناسة بمعنى الكلمة<طبعاً

الكل كان جايب لريما هدايا بمناسبة نجاحها..ريما كانت جالسة مع البنات وصديقاتها
اسماء: ريما وينها خالتك ام نواف؟
ريما تأشر:هذيك الي لابسة تفاحي..!!
مشاعل:ماشاء الله ياحلوها..تصدقين ماكأن لها ولد يبي يتزوج
هيفاء:انتي مثلي انا تفاجأت لما شفتها ..كأنها اصغر من ريما ههههههه
رشاء:ههههههههههههههههه صادقة
ريما:عز الله ياحبكم للشر انتي وياها..ا
ندى:ايه ماشاء الله ام نواف تزوجت وهي صغيرة ولاتنسين اناقتها وشياكتها يعني مررة مصغرتها...!!
رشاء:والله حركات ريما خالتك خطيرة راح تنافسك على الكشخة..وانا اقول نواف طالع حلو لمين
ريما:وجع رشوووهـ..لاتكلمين على نواف..
الهنوف:بدء شغل الغيره هههههههههه
رشاء:خلاص ولاتزعلين..وش ذاك النواف ياربي لك الحمد طويل وابيض ومملوح وع هههههههه
ريما قامت :رشاء ترى قمت عليك ياويلك مني..تسبين نواف قدامي ياوسيعة الوجهه
ندى:هههههههههههه
رشاء:والله ابتلشت فيك ياحرم نواف..خلاص الشرهه علي الي جالسة اتكلم عنك وعن مستر نواف
أسماء:عاد كل شيء ولانواف ..هذا الموضوع حظر..مايتكلم فيه
هيفاء:حتى احنا نواف ونواف كأن مافيه بالوجود غير نواف
نوف:ههههههههه حلوة هذي
ندى:الله يعينه عليك ياريما انتي وغيرتك
رشاء: بيني وبينك ياندى لازم تغار على ذاك المزيون
ريما:رشااااااااااااااااااااااااااا وجع انتي مالي الا ازوجك علشان افتك منك
رشاء:على يدك تكفين
ندى:ههههههههههه والله انكم مرجوجات
مشاعل:ترى كذا كل يوم بالمدرسة اذا حبينا نعصب ريما نتغزل بنواف ..تولع هههههههه
اسماء:ابي اروح ارتز قدام خالتك ياريما ..يمكن تخطبني لولدها الثاني..وش اسمه
ندى:محمد صح؟
الهنوف:ايه اسمه محمد
اسماء:ياعيني اسماء ومحمد لايقين على بعض صح؟
مشاعل:ههههههههههههههههه خبلا..الله يعين ريما الي بتصيرين حماتها
الهنوف: انا اقول وش فيها البنيه حالتها حالة اذا جت خالتي ام نواف..طلعتي موب هينه مخططة على ولدها يالدبا
هيفاء:افا111 يااسماء طلعتي مرتبة كل شيء..!!وراح تصيرين حمات بنت خالتي..خوش والله ..والله يعين ام نواف عليكم
رشاء:ههههههههه اي صادقة شكلكم بتجننونها...!!
اسماء:خلاص من اللحين قلت لكم محجوز ياريما ولد عمك
رشاء:والله لو هو علبة حلاو محجووز

نوف تضايقت من كلام اسماء وقامت عن جلستهم ..وراحت وجلست عند الحريم الكبار
ريما حست فيها..قامت ريما عندها
ريما:نوف ترى اسماء ماتقصد..كل يوم كذا كلامها يعني تخربط
نوف: لا انا ماقمت علشان اسماء انا بس كذا قمت..طفشت وقلت خليني اسمع سواليف الحريم الكبار..
ريما:يعني مو زعلانه علشان محمد؟
نوف:وش دخلني بمحمد؟يعني ولد عمي مثل ماهو ولد عمك
ريما:لاتكابرين..انا والهنوف كاشفاتك ونعرف انك مو بس تحبينه الا تموتين على محمد..وهو بعد يبادلك نفس الشعور
نوف:وش عرفك؟
ريما:اللبيب بالاشارة يفهم..يالله قومي معاي عند البنات نبي ننبسط..
قامت نوف مع ريما ..ورجعوا عند البنات..

ندى:الهنوف خلينا نجيب العصير للحريم الكابر...فشة ماقدمنا لهم شيء
الهنوف:يالله ...ولاتنسين الصبايا
راحوا البنات يجيبون العصيرات..ويدرون فيهم على الحريم

الهنوف ومعاها العصيرات واقفة عند هند والجدة هياء..
الجدة هياء:هذي بنتك يانورة؟
نورة:ايه الهنوف
الجدة هياء:ماشاء الله لااله الا الله..قمر
الهنوف وجهها صاير احمر من الحياء..
هند: نورة والله بنتك تجنن ماشاء الله..كبرت..اخبرها وهي صغيرونه..
الهنوف ميته خلاص (كله منك ياندى يادبى تقولين قومي ندور بالعصير شوفي وش صار..!!)

الساعة 11 ونص باليل..راحوا صديقات ريما ..ريما كانت جالسة عند خالتها ام نواف يتكلمون مع بعض ..وهيفاء وندى والهنوف ونوف يتريقون على ريما..رن جرس الباب.راحوا الخدمات يفتحون..وبعدين رجعوا وكـــــانوا شايلات معهم صندوق كبير لونه احمر وابيض يالله يشيلونه الخدامات ثقيل بالمرة...

ريما قامت تفتح الصندوق..كان فيه دبدوب لونه بنـــــــــي كبيررررررررر بالحيل ماسك في يده اليمنى بوكية ورد كبيررر جوري وفي يدهـ اليسرى ماسك بوكس كبير..ريما فتحت البوكس الكبير كان فيه طقم من الماس عبارة عن عقد(قلادة)دوائر ملتفة على بعض..وبعدين كأن فيه الماسة نازلة مكتوب عليها(ريما) من الماس وحلق على شكل دوائر ملتفة على بعضها الماس.. وفيه بطاقة حلوة بالاحمر مكتوب فيها

حبيبتي ريما..

الف مبروك النجاح..

مع اطيب التمنيات لك بالتوفيق..

نواف..

: : :

الكل تخبل على الطقم..والبوكية كان انيق مرتب..

هند:والله ذوق هالولد ماشاء الله عليه
الجدة هياء:مبروك يابنيتي ياريما
ريما:الله يبارك فيك
ام نواف:والله ان ريما تستاهل اكثر من كذا..وماسوينا اي شيء يستاهل..
ام ريما:لا والله يام نواف.ايش ماسويتوا..الله يعطيه العافية نواف..والله يوفقهم ان شاء الله
العمة نورة:نواف ولد طيب وخلوق..وريما تستاهل كل خير..
ام عبدالرحمن:الله يوفقكم ياريما..!!
ريما استحت من كلام الحريم ..وراحت للبنات

ندى:والله خطير ولد عمك
الهنوف:يا111111ي ريموة تكفين اعطيني الدب..هدية نجاحي!!
ريما:هاهاي كثري منها..مابقى الا هي اعطيك دبدوب ومن نواف بعد..سوري..اطلبي أي شيء غير الي من نواف..
هيفاء:تصدقين عاد والله نواف عندهـ ذوق شوفي الطقم كيف صاير شكلة..ماشاء الله من حظك زوجك ذويق.
نوف:لا لوتشوفين بعد ياهيفاء اناقتة يعني هو الوحيد من الشباب الي تحسين انه نظيف ومرتب..ديام هندامة روعه!!
ريما:يالبى قلبه..ابي اروح اتصل عليه
ندى:تونى..بعدنا ماراحنا يالدبا
الهنوف:اخري الاتصالات شوي..اشتقتي؟
نوف:جاملينا على الاقل اجلسي معنا شوي..
ريما:يمة اكلتوني..
هيفاء:هههههههه تستاهلين تروحين وتكلمين حبيب القلب واحنا جالسين نتفرج..
الهنوف:هههههه أيه صادقة هيفاء
ريما جلست:وهذي جلسه..آمروني بعد..
نوف:خليك كذا دايم مطيعة
ندى:ههههههه

والساعة 1باليل..راحوا الناس..وكلمت ريما نواف تتشكرهـ على الهدايا..

: : :

بعد يومين..

ريما تجهز شنطتها حقت السفر..بتروح مع اهلها تجهز لزواجها لانه قرب..ابو ريما قرر تكون السفرة طويلة لانه آخر سفرة بتكون مع ريما قبل زواجها..وسافروا لماليزيا..

ريما قصت شعرها شلال صاير شكله روعة وكثير..وعملت حمامات زيت وماسكات لشعرها وبشرتها ..وكريمات ومرطبات..ومساجات وتدلييك..(تعرفون الماليزيات معروفات بالحركات هذي)

ريما:وش رايكم بشعري؟
ام ريما:يالله مرة حلوه قصة شعرك
ريما:ايه انا اعجبتني قد مررة شفتها في التلفزيون ونويت اقصها
ابو ريما:اللحين بنروح نتعشى بمطعم ماليزي
ريما:يا11111ي احب اجرب اكلات الدول الثانية
ام ريما:بس انتبهي لنفسك لا تسمنين هههه
ريما:ههههههه لاتوصين حريص
ابو ريما:لا يايبه انت كلي وانبسطي..بلا رجيم بلا هم
ريما:لا يبه لازم لزوم الاناقة..
ام ريما:صادقة لازم تنتبه لحالها..

تعشوا وانبسطوا..ريما يومياً بالاسواق والمحلات..واشترت اشياء كثيرة ..وجلسوا حوالي اسبوع فيها..كلهم انبسطوا فيها من جزيرة لجزيرة والمناظر الطبيبعة والأماكن النظيفة..والبحيرات والمسابح...!!

ابو ريما:طفشتوا من ماليزيا؟
ام ريما:لا والله تهبل
ريما:والله كثير مدحوها لي..بس ماتوقعتها كذا روعة الطبيعة..والناس يهبلون نظيفين
ابو ريما:ترى الماليزين معروفين عند جميع الشعوب بالنظافة وحب العمل..!!ايه على فكرة انا مسوي لكم مفاجأة
ريما:ايش هي المفاجأة تكفى يبه..؟
ام ريما:الله يهداك يافهد .... اللحين بتنشب في حلقك لما تقولها
ابو ريما:بس ماتصير مفاجأة اذا قلتها
ريما:يبه تكفى ياقلبي يبهــ ايش هي؟
ابو ريما:نفسكم تشوفون برج ايفل؟ونكرر رحلتنا الي قبل
ريما:الله يايبه..صدق؟يعني نروح لفرنسا؟
ام ريما:والله انا نفسي اجلس في ماليزيا..
ريما:لا يمة تكفين نبي نروح..ابي اتسوق واشتري
ام ريما:هههههه ايه علشان الزواج؟
ريما استحت
ابو ريما حس في ريما:على العموم انا معاي التذاكر وبكرى بالليل ان شاء الله نكون في وسط فرنسا..
ريما قمزت من مكانها:ياعيني عليك يابو ريما ..راحت وباست راسه..
ابو ريما:ههههه لو انا داري انك بتنبسطين كان رايحين فرنسا من زما1111ن
ام ريما:هههههههههههههههه

: : :
راحوا لفرنسا..ريما من محل لمحل ومن مصمم لمصمم...اشترت اشياء كثيييييييييييررررررر وكل شيء احلى من الثاني..من فساتين بنطالونات وتنانير وبلايز وتيشرتات وصنادل(وانتوا بكرامة)وشنط وعطورات..

وراحت لمحلات التجميل وعملت ماسك لبشرتها ..وبديكير ومنيكير..

وفي احد محلات المصممين العالميين..ريما اعجبها فستان للزواج ستايله هندي وفيه اشياء تلمع وطرحته كانت طويله وفيها دانتيل وتل الي فيه لمعة الفستان والطرحة غاية في الفخامة...ريما جربت الفستان وطلع عليها روعة راكز على جسمها وكأنه مفصل لها..

انبسطوا كثير في الرحلة..وبعد مرور اسبوعين..رجعوا للرياض ...!!

: : :

طبعاً زواج ريما ونواف كان موعدهـ قريب بعد اسبوع بالتمام والكمــــــا11111ل.الكل كان مشغول وريما اكثر وحدة مرتبكة وخايفة
بكـــــــرى زواج ريمـــــــا.....

ندى نامت هي وهيفاء عند ريما..ريما كانت متوترة وخايفة..!!وام ريما كل ماشافت ريما تبكي ..



ندى:الله ياريما بكرة بتصيرين عروس
هيفاء:والله وكبرنا ياريموة
ريما:بنات مو مصدقة بكرى راح اكون انا ونواف في بيت واحد!!مانيب مصدقه اني راح اترك امي وابوي..خايفة موت
ندى:كلنا على هالطريق بنتزوج وبنترك اهلنا..بس لاتكبرين الموضوع انتي ..
هيفاء:انا صديقتي تزوجت وكانت بس تبكي وخايفة ..وبعد شهر من زواجها كلمتها تقول والله اني اضحك على نفسيعلى كثر البكاء الي بكيته يعني هونيها وتهون..
ندى:وانتي موب رايحة لناس غريبين والي بتاخينه نواف ولد عمك
ريما:بس ولو ..طيب اذا صرتوا عرايس راح تحسون بالي انا فيه
الهنوف ونوف يتصلون على ريما ويهدونها...

الهنوف:حبيبتي ريومة..بكرى عرسك الله يالدنيا..عساك مسترخية؟
ريما:وين الناس والرخاء..احس ان اعصابي مشدودة..
الهنوف:لا انتبهي..خليك ريلاكس..بكرى بتتزوجين يعني وش فيها
ريما:ههههههههه الا فيها يالخبلا بكرى زواجي

ندى:لولولولييييييش شفنا ريما تضحك
هيفاء:الف شكر يالهنوف على انك ضحكتيها
ريما:ايه صادقات البنات..ترى اول مرة اضحك اليوم ..
الهنوف:زين والله..الا تعالي مو عاد تنسينا11 اذا تزوجتي ورجعتي من شهر العسل مو يكبر راسك علينا فاهمة ولالا؟
ريما:ههههههه طيب من عيوني
الهنوف:اسمعي اللحين روحي للحمام (وانتوا بكرامة)وعبي البانيو مويا وحطي زيوت معطرة واسترخي فيها...لايكدر خاطرك شيء..كلنا معاك...ونامي بدري..علشان بشرتك ماتتعب..
ريما:اوكي يالغالية..
الهنوف:مع السلامة
ريما:مع السلامة

: : :
هيفاء: ريما وش شعورك في اللحظة هذي؟ وباقي اقل من 24 ساعة وتدخلين القفص الذهبي؟
ريما:كل شي اشعر فيه..يعني خوف وحزن وارتباك وفرح وتوتر و و و و
ندى:ياسلام بكرى بتسافرين شهر العسل..وين؟
ريما:يقول ابوي ان عمي قاله لايطاليا
هيفاء:حركا11111ت..تكفين اخذيني معاك
ندى:وانا بعد..نصير انا وهيفاء..باحد شناطك واشحنينا ومافيه احد راح يحس فينا؟هاه وش قلتي
ريما:هههه والله انكم خبول..خلاص ابشروا..والفندق بعد تبون انام معكم ولا مع نواف؟انتم آمروني
هيفاء:لامانصبر عنك..اكيد تنامين عندنا
ندى:لافشلة توها عروس ونخفطها من زوجها..لانخليها تسهر معانا وبعدين تروح لزوجها
ريما:ههههههههه ياحليلكم..


ام ريما جابت العشاء للبنات فوق بالصالة
ريما:مالي نفس
ام ريما:وش مالك نفس..ماكلتي شي من امس قومي كولي اي شيء
ندى:يالله ريما مايصلح الي تسوينه في نفسك..
هيفاء:والله راح تتعبين..قومي
ام ريما:ان ماجيتي واكلتي راح اقوم واكلك غصبن عليك
ريما:طيب..
جلست ريما على السفرة بس ماكلت شيء..قامت هيفاء وندى بالغصب اكلوها

ندى:ريما اقري قرآن احس انك اليوم مانتــــــيـب على بعضك..
هيفاء:ايه علشان يريحك قومي اقري
اخذت ريما قرآن وقرته..
ريما ماغمضت عيونها ابد مانامت ..كانت دايمة التفكير قلقانه بشكل فظيع ..!!

يوم زفاف ريمـــــــا..

كان الزواج في قاعة ال فور سيزون في برج المملكة..
ريما عند الكوافيرة جايتها للقاعة..سوت لها ميكياج روعة!!وتسريحة شعر رفعت شعرها ونزلت خصلات شعر على الجنب ومع وراء كان مبروم وحاطة على شعرها وردهـ لونها ابيض..شكلها مرررررررررررة يجنن

جت الهنوف ونوف عند ريما..
الهنوف:ماشاء الله قمر ريمووش
ريما اول ماشافت الهنوف كان ودها تبكي..
الهنوف حست فيها حضنتها بقوة..
ندى:لاحول ولاقوة الابالله ..قلبتوها فيلم هندي؟
نوف:ياعيني ياريما..تصدقين نواف راح يتخبل عليييييييك..
هيفاء:من قدهـ نواف الليله ريما عندهـ

دخلت ام ريما على البنات..
ام ريما:يارض احفظي ماعليك ..
ريما مرتبكة انامل يدها ترتجف وباردة
ريما:يمة حلوهـ التسريحة؟
ام ريما:ايه تهبل..صديقاتك جو..يبون يسلمون عليك

دخلوا رشاء واسماء ومشاعل..وريما اول ماشافتهم جلست تبكي..
ندى:ريمااا وبعدين اللحين يخترب الميك آب..
ريما ترتجف

جت ام ريما..يالله ريمي تجهزي اللحين الزفة..
جت ندى عند ريما
ريما:ندى وربي خايفة ماقدر اطلع ..خلاص غيرت رايي مابي اطلع
ندى:على مزاجك..ريما يالله حبيبتي توكلي على الله واطلعي..
رشا:يالله الناس كلها تتنظرك..ريوم
الهنوف:قولي بسم الله..و اطلعي عليهم
مشاعل:لاتخافين كلنا معاك


: : :
أول ماطلعت ريما للناس..
القاعة ظلام..ومافيه غير كوبس على ريما والقاعة كلها شمووع!!يعني جو رهيب

..كان قبلها تمشي مها الصغيرونة لابسة فستان فوشي ومع وراء فيه جناحات الفراشة< على شكل فراشة ومعاها شمعة كبيرة لونها ابيض ونازل منها شرايط باللون الابيض والفوشي ومعها عبودي اخو الهنوف ماسكه يدهـ لابس ثوب وبشت اسود وشماغ وعقال وماسك شمعة بيضاء مثل حقت مها ونازل من عندها شرايط فوشي وابيض

القاعة كانت مليانه شموع لونها ابيــــض وفوشي
ريما اول ماطلعت كانت تمشي على موسيقى(التايتــــنك) وراها بالونات من الصابون شكله حلو... وندى وهيفاء والهنوف ونوف وراها يمشون ومعاهم سلات ورد..يرمون الورد على ريما..وهي تمر من بين الحريم كلهم يذكرون الله كانت تهبل تجنن رووووعة قمر كل شيء اقدر اقوله يعني فعلاً عروس

وصلت ريما للكوشة ..

الكوشة كلها اقمشة حرير ابيض وفوشي..ونازل من فوق فلينات على شكل فراشات الكوشة مليانه ورد لونه فوشي وابيض..الحريم تخبلوا على ريما مع زينها ونعومتها وفستانها..كانت فراشة القاعة

بعدين كانت تشتغل اغنية محمد عبدهـ ياماشاء الله عليه...
ياماشاء الله عليه كل جمال الكون فيه..كل من شافك يقولك ياماشاء الله عليه..
لو فيه مثلك كثير الدنياء صارت بخير..صدقني وبكل صراحة.في كل شيء انت غير!!

ياماشاء الله عليه كل جمــــــــال الكون فيه..
رقة وجمال وحلا..ابهرت كل المـــــلا..تسكن القلب بسهولة تسرق بلحظة الغرام..

ياما شاء الله عليك
ياكثر من يعشقونك ودهم بس يوصلونك..على نفسك اذكر الله..علشان مايحسدونك..







حطوا بروجكتر فيه صور ريما يوم كانت صغيرة وبعدين لما دخلت المدرسة وتعددت الصور لما وصلت يوم تخرجها من ثالث ثانوي وكانت لابسة عباية التخرج..وبالاخير صورتها مع نواف يوم كانوا صغار ..وصورتها مع نواف يوم الملكة..وبعدين حطوا عليها الكميراء وطلعت صورتها في البروجكتر داخل قلب والقلب الثاني حطوا كميراء عند البوابه ودخل نواف على الحريم ...
دخل نواف مع ابوهـ وابو ريما وخالها تركي..

نواف لابس البشت الاسود مع الغترة..البنات انجنوا عليييييييه...جاء للكوشة وشاف ريما..قلبه بدء يدق مو مصدق هذي ريما مع حلاوتها احلوت زيادة..باس راسها..وجلس جنبها طبعاً امها وابوها وعمها وام نواف وعمتها نورة الكل جاء يسلم على نواف وريما

رشا:ياربي وش هالانسان يجنن ياناس
اسماء: أي والله يالله طويل يهبل
مشاعل كانت تبكي:ياحياتي ياريما مو مصدقة انها بتتزوج
رشا:أي والله..مانقدر نقول غير الله يوفقها ويسعدها...
اسماء:آمين..

الهنوف ونوف جلسوا يبكون لما دخل نواف على ريما..
هيفاء:وش فيكم بنات..!!
الهنوف:خلاص ريما راح تروح وتتركنا
نوف:يالله مانيب مستوعبه ان ريما ماراح تكون معانا..
هيفاء:ادعو لها بالتوفيق..
ندى:بنات لاتبكون طالعوا ريما..شكلها يجنن
هيفاء:أي ماشاء الله عليها قمر
نوف:ياحياتي والله ياريوم
هيفاء:ياناس نواف ماتوقعته كذا حلو..قد مرة شفت صور له عند ريما..بس بالطبيعة شيء ثاني
الهنوف:سبحان الله لايقين على بعض..اشكالهم تهبل
نوف:ماشاء الله
ندى:وش رايك الهنوف في تركي؟
الهنوف:مملوح بشكل..!!

الجدة هياء طول الوقت تبكي..!!


ام ريما ماسكة اعصابها..ماكان ودها تبكي قدام ريما علشان ماترتبك بنتها لما تشوف دموع امها..هي تعرف ان اصعب شي على ريما دموع امها..

نوف نزلت دموعها..طلعت برى القاعة وقفت عند الباب وجلست تبكي..تتذكر يوم ريما تصارحهم بأنها تحب نواف واللحين جالسة جنبه..!!..الله يوم كنا صغار ريما كانت دايماً تلعب كنها عروس واللحين هي عروس بحق وحقيقة!!الله يادنياء..نوف نزلت دموعها.. محمد كان واقف عند الباب يبغى امه..وشاف نوف

محمد انصدم يوم شاف نوف تبكي..عورهـ قلبه..كل ذا الزين وتبكي...ودموع نوف غاليه

محمد بصوت عالي:نوف وش فيك؟
نوف يوم شافته وقفت ولاتدري وش تسوي ..على طول راحت وتركته..كان مامعاها شيء تتغطى عنه
محمد ارتبك..

بعدين نادى وحدة في الاستقبال..فلبينيه..وطلب منها تنادي نوف الي من شوي واقفه
راحت ونادتها..وعرفت نوف ان محمد يبيها

جت نوف عند محمد وكان معاها طرحة وتغطت
نوف:خير محمد؟
محمد:وش فيك تبكين من شوي؟
نوف غصبن عليها بكت يوم قالها
محمد:وش فيك تكفين..خوفتيني!!
نوف:لامافيه شي
محمد:ترى انا ماحب اشوف دموعك انتي بالذات يانوف..وش فيك
نوف:ريما..ريما يامحمد تزوجت..!!وتركتنا انا والهنوف مانصلح بدونها..
محمد:الحمد لله احسب فيكم شيء..نوف كذا حال الدنياء..وبعدين ريما ماراح تروح بعيد يعني عند ولد عمها..وكل ماتجمعتوا راح تكون معاكم..وقريب ان شاء الله راح تكوني قريبة منها أكثر من أول..!!
نوف بكل تعجب:نعـــــم؟
محمد:يالله انا بطلع قولي لأمي اذا تبي ترجع تتصل علي..!!
نوف:ان شاء الله..



بعدين قاموا نواف وريما وطلعوا عن القاعة الي فيها الحريم..والبنات ندى وهيفاء وهنوف ونوف طلعوا معهم..وام نواف وام ريما والعمة نورة وام عبدالرحمن الكل طلع وياهم..بعدين جابوا تورته 7 طوابق فيها صورة نواف وريما في ملكتهم..وقطعوها مع بعض..والمصورة بس تصور ريما ونواف..البنات دخلوا للحريم بعد ماودعوا ريما1111...
المصورة طلبت من نواف يوقف وراء ريما ويمسك خصرها ..
ريما استحت وارتبكت..نواف ماكذب خبر مسكها..ريما عيونها في الارض وكانت تتمنى ان الارض تنشق وتبلعها..ماتقدر تقول مابي اصور ولاتدري وش تسوي..استسلمت للأمر الواقع..وصورت..وطبعاً المصورة صورتهم كثيررررررررر صور..وبعدها طلعوا ريما ونواف للسيارة

كان فيصل الي يسوق السيارة وركبت معاهم ام ريما بنفس السيارة..وفي السيارة الثانية مع السواق كانت العمة نورة وام نواف..


نواف وريما راحوا للبيت (بيت ابو نواف)كان مسوي قسم كبير لنواف وريما غرفة نوم وصالة كبيرة ومطبخ ومجلس <كل هذا في قسم ريما ونواف.. هم بيسكنون مؤقتاً لما يجهز البيت حقهم لان نواف بما انه مهندس صمم لهم بيت قريب من بيت ابوه وكان على وشك انه يخلصـ...

وصلوا المعاريس للبيت......دخلت ريما وجلست ويا نواف طبعاً ام ريما ماسكة نفسها شوي وتبكي..كانت مبسوطة انها شافت ريما عروس وكبرت والحين جالسة جنب زوجها..باركوا لهم وطلعوا ..ريما كانت متوترة وخايفة..كانت مستحية من نواف بشكل وماكأنه نواف ولد عمها الي دايماً تكلمة..كأنه واحد غريب اول مرة تشوفة..

غرفة النوم كانت روعة..عبارة عن لونين ليموني على اصفر مع البني الفاتح ..الغرفة كانت من الخشب وارقى انواع الخشب السنديان..كانت كبيرة وروعة شكلها..!!

كانت الغرفة مليانه ورد وكان نوعه (جوري) نواف اختارة علشان ريما تحب هذا النوع..وريحة البخــــور ماليه الغرفة !!

ريما بكامل اناقتها وفستانها الابيض جالسة على الكراسي..ونواف جنبها..
نواف:الف مبروك ياعروس
ريما بصوت متقطع من الخجل: الله يبـ ــ ارك فيـ ـــ ك
نواف:مانيب مصدق الريم قدامي..الله يقدرني واسعدك ..
ريما عيونه في الارض...كانت خجلانه وترتجف من الحياء..نواف بيدهـ رفع راس ريما
نواف:بتحرمني شوفت عيونك هالليله بالذات؟
ريما ارتبتكت وحست بخوف وحياء..
نواف:يالله ياريما الليله احلى ليله الي جمعتني في قمراي..انتي قمراي..
ريما وجهها اصتبغ باللون الاحمر من الحياء...
ريما:نواف وين الحمام؟ ابغى ابدل ملابسي
نواف:تلاقينه على اليمين..

ريما بدلت ملابسها..كان شكل الغرفة كيووووت شموع ورد يعني غرفة معاريس<هع
نواف:حبيبتي ترى بكرى ان شاء الله بنسافر ايطاليا..
ريما :ان شاء الله..أي وقت؟
نواف:خليك جاهزة علىً الساعه 11 الصبح..
ريما:ان شاء الله..
نواف:انا بروح ابدل ملابسي..!!

ريما جلست تطالع في الغرفة كان شكلها روعة..الالوان متناسقة..وغرفة النوم فخمة..والورد والانارة..كلها روعة!!
طلع نواف من الحمام وجلس يطالع في ريما..طاحت عيونه في عيونها..ابتسم لها هي انحرجت ودنقت راسها في الارض..

: : :

ام ريما طول الوقت وهي تبكي..والناس يهدونها..
العمة نورة:احمدي ربك الي شفتي بنتك عروس.. وش يبكيك..المفروض تفرحين؟
ام ريما:الحمد لله والشكر انا فرحانه..بس صعب علي فراق بنتي الوحيدة..
الجدة هياء:يابنت الحلال ادعي لها ان ربي يسعدها..ومافيه داعي هالدموع احنا بفرح يابنتي
ام ريما:مين راح يملي علينا البيت انا وابوها؟ والله يوم راحت للشرقيه تضايقنا ....واللحين بتروح وتتركنا..
العمة نورة:اشتغفري ربك ياسلمى وش هالكلام ريما راحت لبيت زوجها..وكل بنت في الاخير راح تروح لزوجها وتشوف مستقبلها..وش هالكلام ؟

ندى اول ماشافت اختها سلمى تبكي..راح وحضنتها وجلست تبكي
ندى:راحت الريم لزوجها ياسلمى
ام ريما حضنت ندى وجلست تبكي بحرارة..
هند:لاحول ولاقوة الا يالله قوموا مسحوا دموعكم..البنت اللحين مبسوطة مع زوجها وانتم جالسين تبكون عايها...لاتفاولون على البنيه..وبعدين يام ريما ..ريما عندك في الرياض ومتى مااشتقتي لها راح تجيك وتزورك لاتكبرين الموضوع وهو صغير
الهنوف وهيفاء..ماسكات اعصابهم يشوفون منظر ام ريما كان يقطع القلب..فرحانه علشان بنتها..وحزينه لفراقها..

: : :

ابو ريما كان مبسوط وبنفس الوقت حزين..والي لاحظ عليه اخوهـ طلال بعد ماراحوا الرجال وبقى هو وطلال..

طلال:وش فيك يابو ريما متضايق؟ باين عليك وانا اخوك؟
ابو ريما:ماقدر ادخل البيت وريما موب موجودة..ماتخيل البيت بدونها ومن دون صوتها هي الي ماليه علي حياتي هي الي...آهـ يابو عبدالرحمن مدري وش اقولك..اللحين انا وسلمى بنتقابل لاانيس ولا ونيس..!!اللحين برجع البيت وماراح القاها في غرفتها..الله يصبرني..
طلال:بنتك تزوجت وكبرت وهذا شيء لازم تنبسط علشانه..يوم السعد لما الواحد يشوف عياله كبروا وتزوجوا واستقلوا..ومتى ماتبيها تجيك راح تجيك يافهد اللحين ادعي لها بالتوفيق
ابو ريما:الله يوفقهم ..

ريما ماغمضت لها عين..كانت متوترة ...لما جاء الفجر صلت هي ونواف الفجر..حست براحة كبيرررة بعد ما صلت...والساعة 8 الصبح جاء اهلها وعمامها

مثل مايقولون الصباحيــــــة....

جاء عندها امها وابوها وعمها سعود وام نواف وعمتها نورة ومحمد والعم طلال...

ريما لابسة جلابية ليلكي كانها مفتوحة من قدام وفيها شيفونات فيها الفخامة..!!وفاله شعرها الطويل كانت خجلانه وعيونها في ارض ..الكل يبارك لهم..نواف كان مبسوط ع الآخر..ولما جت الساعة 10 ونص ..مابقى شيء على الطيارة..

ام ريما:نواف ماوصيك على ريما..!!تكفى انتبه لها
نواف:لاتوصين حريص ياخالتي...!!ريما في عيوني
ام ريما:تسلم...تروحون وترجعون لنا بالسلامة
راحت وحضنت ريما ..طبعاً نزلت دموعها..
ام ريما:ريما حبيبتي اول ماتوصلون اتصلي علي ترى انتظرك على نار..!!وانتبهي لنفسك ولزوجك..وتكفين يمة كل يوم اتصلي علي طمنيني عليك..!!
العمة نورة:خلاص ياسلمى ماصارت ..اتركي البنيه بنسلم عليها..مسك ريما
العمة نورة:تروحون وترجعون بالسلامة ياريما..
ريما:الله يسلمك ياعمتي..
ام ريما:يالله مع السلامة..الله معاكم
ريما تقطع قلبها لما طلعت امها حست انها فقدتها..نواف لاحظ هالشيء على ريما في عيونها حزن لما ودعت امها..نواف راح لريما ومسك كتفها ودنق عليها بدون مايحس عليه الجميع(ريما انا معاك وماراح اسمح للحزن يقرب صوبك..)..ريما ابتسمت له..!!!
ام نواف:نواف انتبه لريما..
نواف:المفروض انتي توصينها علي..
ام نواف:انت انتبه لها..وانتي ياريما ماوصيك في نواف..
ريما:ان شاء الله ياخالتي
ام نواف باستهم:تروحون وترجعون بالسلامة..اذا وصلتوا اعطونا خبر..!!
نواف:ابشري يمة..
ابو ريما باس ريما من راسها..واعطها (بوكس صغير)
ابو ريما:حافظي عليه يابنتي..وتروحين وترجعين بالسلامة..وخلي بالك على نفسك وعلى زوجك..واتصلي علي لاتنقطعين وانا ابوك ترى راح اكون في انتظارك
ريما:ابشر يبه..
ابو ريما:دير بالكي انواف على بنتي
نواف:ولو ياعمي بنت عمي في عيوني
ابو ريما:تسلم..
ابو نواف: تروحون وترجعون لنا بالسامة يالغاليين..وانبسطوا برحلتكم..واتصلوا علينا لاتنسون
نواف:ان شاء الله يبه..

محمد اخو نواف سلم على ريما وبارك لها لانه اول مرة يشوفها من زواجها..وراح لنواف
محمد:يامعرس تروح وترجع بالسلامة ..وراح نفقدك انا وفيصل ..بس يالله الواحد مو كل يوم راح يروح شهر عسل
نواف:ههههههههه ماتفقدون غالي...انا ابي اروح افتك من مقابل وجيهكم..ابي اروح مع الريم
محمد:طيب خل الريم تنفعك
نواف:بتنفعني..اذا مانفعتني زوجتي مين بينفعني..؟
محمد: هين يابو سعود...اللحين انا محترم نفسي علشان معرس ولا كان تشوف شيء ثاني..
وبعدين يالله تجهزوا انا بوديكم للمطار..
نواف:زين دقايق وننزل
محمد:استناكم تحت..
نزل الكل..ومابقى غير ريما ونواف..

نواف:يالله ريما تجهزتي
ريما:ايه هذولي الشنط
نواف:اللحين انادي الخدامات يشيلونهم..وتبين اشيلك مع الشنط؟
ريما:هههههههه
نواف:لاتضحكين..ترى اتكلم من جد..!!
ريما:هههههه لا شكراً اقدر امشي
نواف:براحتك يالله حبيبيتي محمد تحت ينتظرنا..

ريما لبست عبايتها ولفت طرحتها ونزلت..


وصلهم محمد للمطار وركبوا الطيارة...ريما كنت بالمقعد الي جنب النافذة ونواف بالمقعد الي جنبها على الطرف..

ريما كانت تركة لحظة اقلاع الطيار ...وغمضت عيونها وتمسكت بالمقعد باقوى حيلها..نواف لاحظ الشيء بريما..حط يدهـ على يد ريما ومسكها..

ريما كانت خجلانه..من حركة نواف
نواف:تخافين من الاقلاع؟
ريما:مو خوف بمعنى الكلمة بس اكرهـا
نواف:اول مرة احس اني مسافر وانا مبسوط
ريما:ليش؟
نواف:علشانك معاي..
ريما:نواف انت قد جيت لايطاليا قبل هالمرة؟
نواف:ايه مرتين..

ريما:اقلعنا؟
نواف:من زمان اللحين الطيارة مستوية بالجو
ريما:من متى؟
نواف:ههههههه من يوم كنت اسولف معاك..
ريما:ماحسيت فيها ..وشلون؟
نواف:شفتي كيف زوجك خطير..خلاك ماتحسين بالاقلاع
ريما:ههههههه من ناحية خطير فهو خطير
نواف:ههههههههه

ريما كانت تطالع بالنافذة تفكر بأمس يوم كانت خايفة ومرتبكة..تفكر بامها وندى وابوها..
نواف كان سراحان بريما تعجبه عيونها111..كان يطالع فيها..لما طاحت عينه في عينها..ريما على دنقت راسها..ونواف ابتسم..


ريما من التعب والارهاق وقلة النوم من بعد زواجها ماحست بنفسها ونامت اخذت لها غفوة وراسها على كتف نواف..

نواف جالس يطالع فيها حس براءتها ..طلب من الملاحين وسادة ولما جابوا له الوسادة اسند راسها على الوسادة..

بعد مرور ساعة ونص..صحت ريما
نواف:صح النوم
ريما ابتسمت له:صح بدنك..
نواف:هاه يالغاليه عساك نمتي زين؟
ريما:الحمد لله..


ريما تذكرت البوكس الصغير الي اعطاها ابوها..راحت وفتحت شنطتها ..وطلعته..
نواف:وش ذا؟
ريما:من ابوي..من شوي اعطاني اياه وقالي حافظي عليه
نواف:افتحيه
ريما فتحته..وكان مصحف (قرآن) من المخمل ومذهب..
ريما نزلت دموع من عيونها
نواف مسح دموعها بيدهـ
نواف:ليش الدموع ريوم؟
ريما:لابس غصبن علي ..تذكرت اهلي..
نواف:حبيبتي انتي اللحين معاي..يعني اهلك ماراح نطول وراح نجيهم ان شاء الله..بس تكفين لاعاد اشوف دموعك.تراك غاليه ومايهون علي اشوفك حزينه..
(ريما ماحبت تحسس نواف انه هو السبب الي علشانه فارقت اهلها)..
ريما:لا انا موب حزينه..بالعكس انا مبسوطة اني معاك حبيبي
نواف:صدق..!! وبعدين كلمة حبيبي هذي طالعة من فمك شيء ثاني

وصلوا لإيطاليا وبالتحديد روما..

نزل نواف وهو ماسك يد ريما اخذ الشنط من المطار..وبعدين راحوا بسيارة لكزس حقت الفندق الي حاجزين فيه..كان الفندق من افخم وارقى الفنادق الموجودة في العاصمة الإيطالية..

وصلوا للفندق ودخلوا الجناح الي لهم..كان عبارة عن غرفتين وصالة كبيرة ومطبخ..الاثاث كان رايق ومريح..والالوان كانت هادية والديزاين غريب وفخم..

ريما اول ماوصلوا..اخذت شاور سريع وبدلت ملابسها ..وطلعت ترتب الشنط..نواف كذلك اخذ شاور وبدل ملابسه..
نواف:حبيبتي اتركي الشنط..بعدين نرتبهم..اللحين نامي..احس انك مانمتي امس كويس..
ريما:اللحين اخلص من ترتيبهم وانوم..
نواف:موب تعب عليك؟
ريما:لا ..ماحب اشوف الاشياء من غير ماتكون مرتبه
نواف:ياعيني عليك ..
ريما رتبت الاغراض ودخلت الملابس في الدولاب(الكبت) ملابسها وملابس نواف..وبعدين ماحست بنفسها الا وهي على السرير وغاطة في سابع نومه..

الساعة 9 بالليل..
ريما صحت من النوم..ونواف لسى نايم..راحت وغيرت ملابس النوم..ولبست

فستان قصير دانيتل اسود وابيض..وبالوسط شريطة من الستان فيها لولو نازل من تحت..ورابطة شعرها من فوق..وكحلت عيونها وحطت ملمع الشفايف (جلوس)..وتعطرت جلست برى الغرفة ماحبت تزعج نواف لان شكله ينرحم..واضح عليه التعب...وكان نايمممممم

طلعت واتصلت على امها وابوها..وعلى عمها ابو نواف وخالتها..<ام زوجها
وطمنتهم عليهم..

ريما كانت جالسه بالصالة..كانت كبيرة وكلها قزاز يطل على شارع كبير وحدايق ريما وقفت وجلست تطالع الناس..وفجأة احد جاء وغمض عيونها..

ريما طمرت(قمزت)
ريما:يمة
مسكت يدينه..
ريما:حبيبي نواف خوفتني!!
نواف:ياقلبي ترى اذوب على كلمة حبيبي هذي
ريما استحت..
نواف:يالله ريومي انتي جاهزة بننزل نتمشى وتنعشى اووكي!!
ريما:اوكي!!
ريما لبست جاكيت طويل جلد اسود وفيه لمعة وعلى الاكمام في نقشات بالصيني لونه ابيض ..وبوت جلد ..وشنطة سوداء كبيرة جلد وفيها بروش يلمع

نواف طلع وكان لابس بنطلون برمودا لونه بني وفنيلة لونها زيتي وحزام وشعرهـ حاط فيه جل ونافشه ..<شكلة رووووووعة

نزلوا ريما ونواف وصلهم الشوفير عند مطعم راقي..دخلوا كان الجو رومانسي..طبعاً المطعم ايطايل والموسيقى الكلاسيكية الايطاليه تعشوا وانبسطوا..!!

بعدين طلعوا وراحوا يتمشون في حديقة كلها نوافير ريما اعجبها المنظر ..
نواف:تبغين ارميك في النافورة..
ريما:هههههه لاتسويها انت
نواف:شفتي كيف اسوي ابو جدها
ريما:هههههههه
نواف:ههههههه

وبعدين لما صارت الساعة 1 باليلل رجعوا للفندق..كانوا تعبانين بعد المشوار ومرهقين بعد السفرة الطويله..وعلى طول ناموا اول ماوصلوا من التعب..

الساعة 11 الصبح نواف يصحي ريما
ريما:هلا
نواف:صباح الخير يالغلا
ريما:صباح النور..كم الساعة
نواف:11
ريما:يوووه ماحسيت بالوقت
نواف:يالله جهزت الفطور..
ريما:ليش انت تسويه؟كان صحيتني انا اصلحه
نواف:لا ماحبيت اتعبك..
ريما:تسلم لي يالغالي
نواف:عاد بجد غالي
ريما:يعني وش رايك؟
نواف:غالي وستين غالي
ريما:ههههه شفت شلون انت غالي
نواف:يالله قومي الفطور
ريما:طيب

ريما بدلت ملابسها..ولبست جلابيه لونها برتقالي وفيها نقشات..ورابطة شعرها

نواف:ياعيني على البرتقالة
ريما:عاد برتقالة ..ماحبها..
نواف: تحبينها ولا ماتحبينها..انتي برتقالتي
ريما ابتسمت له..

افطروا وهم يدردشون على الآخر..
نواف:يالله نبي نروح للبارك روعة..اتوقع يعجبك
ريما:دامه عاجبك اكيد بيعجبني
نواف:ويلوموني فيك..
ريما:يالله مستر نواف نروح نغير ملابسنا علشان نطلع..نفسي اشوف البارك الي عاجبك
نواف:يالله

ريما لبست بنطولون جينز وبلوزة وردي شيفون طويلة الى الركبة وفيها قصات واكمامها فرنسي ولفت حجاب وردي شفون وفيه ورد صغير بالفوشي..وحطت كحل وروج وردي ..

نواف:يارض احفظي ماعليك
ريما:من ذوقك..
نواف: يالله

طلعوا لبارك كبير ومليان ناس وفيه خليجين كثار ,,تمشوا ريما ونواف ..نواف سحب يد ريما ..ومسكها ..ريما اصبغ وجهها احمر كانت خجلانه..من حركته

وشاف واحد يبيع ورد جوري..

نواف راح واشترى باقة ورد جوري كبرةة لونها احمر..

نواف:حبيبتي الجوري للجوري
ريما:ياي تجنن..مانسيتها الجوري للجوري..
نواف:وكيف انساها؟
ريما:ياحياتي والله

طبعاً تمشوا وانبسطوا وجلسوا بجلسات على البحر هادية..تغدوا فيها..ورجعوا للفندق يريحون..

انبسطوا كثير في روما..وجلسوا فيها حوالي اسبوع كامل..!!

نواف:بكرى ان شاء الله جهزي الاغراض نبي نروح لفينسيا
ريما:يا111111ي فنيسيا ..بلدة العشاق
نواف:الي مثلك ومثلي!!
ريما:ههههههه

: : :

في السعوديــــــة..وفي بيت العمة نورة..كان الكل متجمع..
الهنوف:ياربي تصدقون فقدنا ريما
ام ريما:ماتفقدين غالي..والله حتى انا الاسبوع مدري كيف طاف..يعني احس انه يالله يمضي
ام نواف:يعني وين بتروح هذي هي عندك في الرياض ومتى ماتبينها بس اتصلي عليها وبتجيك
العمة نورة:والله انها صادقة..

نوف قامت من المجلس كان عبودي الصغير اخو الهنوف يناديها..

نوف طلعت
عبودي:نوف محمد يبيك
نوف:وش تقول؟ من قالك؟
عبودي:هو محمد بنفثه(بنفسه)
نوف:وش يبي؟
عبودي:مادلي(مادري)بس يبيك تدلعين بلى (تطلعين برى)
نوف:مانيب طالعة ..قله وش يبي
عبودي:تيب(طيب)
طلع عبودي لمحمد الي كان واقف برى الباب بالحوش يستنى نوف..

نوف دخلت المجلس ونادت الهنوف..

الهنوف:خير؟
نوف جلست تقولها السالفة
الهنوف:انهبل هذا..والله انه فاصخ الحياء
نوف:ههههههههههه حلوة هذي فاصخ..كلام عجايز
الهنوف:لاتدققين..تعالي انتي..بتروحين له؟
نوف:طبعاً لا
الهنوف: ايه احسن لاتطلعين له خليه ينقهر
نوف:هههههههه طيب

جاء عبودي
نوف:هاه وش يبي
عبودي:يدول لي يبي يكلمك ذلولي(يقول يبي يكلمك ضروري)
نوف:قله تقول نوف ماتقدر تطلع لك
عبودي:يالبي طفستوني انتي ومحمد حلام عليكم تعبت(ياربي طفشتوني انتي ومحمد حرام عليكم)
الهنوف:وجع آخر زمن بزارين ياطول لسانهم..روح وقوله الي قالت لك نوف
عبودي:تيب

نوف:ياحياتي
الهنوف:وجع منهو؟
نوف:ههههههههه عبودي
الهنوف:اشوى حسبالي محمد
نوف:والله لو انا
الهنوف: كمليها..خبلا..ههههههههه
نوف:اقول انطمي بس

جاء عبودي وكان معاهـ كيس كبير لونه احمر<لون الحب خطير
عبودي:خودي هدا من محمد يدولي اعطيه نوف (خوذي هذا من محمد يقولي اعطيه محمد)
فتحته ولقت فيه (ايشارب لونه تركواز وفيه ترتر نعوم شكله..وعلبه خشب مغلفة فتحتها..وكان فيها عطر رايق من إيستيه لودر..وبطاقة مكتوب فيها

كل سنه وانتي سالمة

وعقبال 100 سنه

محمد..

الهنوف:افا11111111 وش السالفة
نوف:يالله اليوم ذكرى ميلادي بس وش عرفة؟
الهنوف:ومن الحب ماقتل
نوف:لا صدق كيف عرف ان اليوم ذكرى ميلادي..
الهنوف:انا وانا معاك وكل يوم وياك مادريت ان اليوم ذكرى ميلادك..
نوف:والله غريبة..!!
الهنوف:هيه اتركينا كيف عرف ومين قاله..اللحين وش بتسوي بالهديه بتاخذينها؟
نوف:والله مدري..ماقدر لو بتشوفها امي بتذبحني لو عرفت انها من محمد
الهنوف:سهلة قولي لها انها مني!!
نوف:والله كويس..

: : :

نواف وريما كانوا في المطار يبون يروحون لفينيساء..
ركبوا الطيارة..

وكان بالمقعد الي قدامهم بنوتة تهبل صغيرة عمرها حدود ال4 سنوات بس تنط على المقعد وتطالع في نواف وريما
ريما خلاص تخبلت على البنيه..
ريما:نواف طالع البنوتة تهبل يالبى قلبها..
نواف:ماشاء الله روعة...
ريما فتحت شنطتها وكان معاها علبت شاكلت صغيرة قامت المقعد وباست البنوتة واعطتها الشاكلت..
نواف:شكلك تحبين الاطفال؟
ريما:اموت عليهم..
نواف:ياسلام اكثر مني؟
ريما:ههههههه تغار؟
نواف:ايه اغار انتي لي انا ماتحبين ولا تموتين الا علي فاهمة!!
ريما:ههههههه حتى البزراين.؟د
نواف:هههه ايه حتى البزارين ليش هماهم آدميين!!
ريما:حرام عليك بزارين..
نواف:واذا كان بزراين

البنوتة مرة ثانية نطت على وراء..
البنوتة:ثانكس
ريما:ولكم..وتس يور نيم<عجزانه تكتب انجليزي
البنوته:ميمي
ريما:وير آر يو فروم؟
البنوتة:ليبنون!!
ريما:واو ليبنون ..كان يو سبيك اربيك؟
البنوتة:يس ..انا اعرف اتكلم عربي كتير
ريما:كويس
البنوتة:شو اسمك؟
ريما:انا اسمي ريما
البنوتة:هيئتك من السعودية؟
ريما:ايوة كيف عرفتي يامورة؟
البنوتة:حجابك
ريما:انتي عايشة بإيطاليا؟
البنوتة:ايه انا عايشة هون من كنت صغيرة
نواف:من كبرك اللحين
ريما ضربت يده:ههههههههه
البنوتة:كيف؟شو بتقول؟
نواف:ابد سلامتك
البنوتة:انت خيه؟
نواف:لا جوزا<زوجها
البنوتة:يه..كنت ظن انكم اخوات
نواف:لازوجتي واموت فيها
ريما ضربت يدهـ

نواف:ياسلام ابي عيالي اذا جو يصيرون مثل كلامها..ماشاء الله سوالفها اكبر منها
ريما سكتت
نواف:ايه وابيهم مثل امهم مزين
ريما:تو الناس
نواف: ليش تو الناس..ابي املي البيت بزارين..ابي 5بنات و5عيال
ريما:اوووف كل هذولا 10 يالظالم..وش بقيت للناس
نواف:ههههههههههههههه
ريما:والله اضحك بعد
نواف زادت ضحكاته..لدرجة ان الناس لاحظوا عليه..

: : :

وصلوا فينيساء..وراحوا لفندق راقي يطل على شاطئ البحر..
ريما:نواف نبي غرفة ماتطل على البحر
نواف:نعم؟
ريما:الي سمعته
نواف:غريبة ليش؟اخبر انك تحبين منظر الغروب والشروق
ريما:لا عيوني علشان تشوف هالحريم الي على الشاطئ الايطاليات
نواف:اهاااااااا..ياعيني على الغيرة..اجل مو بس انا اغار
ريما:هههههههههه..امزح
نواف:يعني ماتغارين ؟
ريما:اكيد اغار..بس انا واثقة
نواف:واثق الخطوة يمشي ملكاً
ريما:هههه شفت كيف..

ناموا ريما ونواف بعد تعب الطيارة..
ريما صحت قبل نواف..وكان فيه سوبر ماركت نزلت واشترت الاغراض الي تبيها..
وكانت جايبه معاها قهوة عربية<مدمنة قهوة
وبعدين صلحت قهوة عربية ومعاهـ حلا..

نواف صحى من النوم لما شم ريحة القهوة وقف عند باب الغرفة وكان شعره محتاس وبيجامته لونها اسود ورصاصي البنطلون مرتفع في ساق والساق الثانية نازل<قايم نوم

نواف:ريما انا اشم ريحة قهوة مدري يمكن جايب معاي الريحة في الحلم؟
ريما:ههههههههه ليش كنت تحلم فيها
نواف: اي والله حتى بالاحلام من زمان عن القهوة يعني اذا ماشربتها احس ان راسي بينبط يعورني..
ريما:زين انا مسوية قهوة ولايهمك اهم شيء راحتك يالغالي
نواف باس يدها:عساني مانحرم منك
ريما:يالله قوم بدل ملابسك وتعال اشرب معاي القهوة..ولا ترى راح اقضي عليها
نواف:ياويلك مني ماتشربين الا وانا معاك
ريما:ياسلام آوامر قرقوش
نواف راح وبعدين رجع
نواف:تعالي ريومتي وش جاب القهوة هامنا في ايطاليا ولا في السعودية؟
ريما:حبيبي فوفو مشتهي قهوة ولا اجيبها له ..ادبرها واجيبها لك
نواف:بعدي انتي..بس صدق من وين لك؟
ريما:جبتها معاي الصراحة انا اذا ماشربت قهوة احس اني مو مضبوطة
نواف:افا حرمتي مدمنة
ريما:هههههههههههههههه
نواف:والله انك بنت رجال...يالله دقايق واكون عندك لاتشربين اقلهوة
ريما:ومسوية حلا تعال الحق عليه قبل لااهجم عليه
نواف:ههههههه يالله بسرررعة اللحين اجيك

نواف جلس ويا ريما يتقهون..
نواف:تصدقين ياريومتي اول ماوصلت كان نفسي بقهوة يعني لو يقولون لي ان فنجال قهوة في ايطاليا بخمس مية وربي لاشتريه
ريما:ههههه ياحليلك طلعت مثلي تحب القهوة
نواف:انا اعشقها ..بس مو اكثر منك هههههه
ريما:هههههه..طيب مادام عندك نيه تدفع خمس ميه على الفنجال خلاص.(سحبت القهوة)
يالله اعطيني 500 انت الى الآن شربت ثلاث فناجيل يعني المجموع 1500
نواف راح جنبها ولزق فيها وجلس عندها يمازحها يضربها بالوسادة
ريما:هههههههه امزح..والله امزح بس قوم عني هههههه
نواف:مانيب قايم ..مرتي كيفي!!؟
ريما:خلاص حلال زلال تفضل هذي القهوة ولا بعد اسوي لك عرض اشرب فنجال واحصل على الاخر مجاناً
نواف:هههههههههههههههه حلوووة هذي مجاناً
ريما:ههههههههههه
نواف:تصدقين كل يوم اكتشف فيك شيء جديد..
ريما:يعني كيف؟
نواف:بالبداية خجلك ورمانسيتك ودلعك عقلك وثقافتك واللحين خفة دمك..ياسلام والله ان اهلي عرفوا يختارون لي
ريما بكل ثقة:ايه حبيبي حطني على بالك انا درة مكنونه لازم تحافظ علي
نواف حط يدهـ على ظهرها
نواف:انتي بعيوني..ياأحلا وارق درة..!!
ريما كانت ميته من الخجل قامت
نواف:وين؟
ريما:ماودك نطلع؟
نواف:الا اكيد ودي اطلع
ريما:يالله انا نفسي اطلع..ابي اروح للسوق
نواف:غالي والطلب رخيص كم ريمية عندي؟
ريما:تسلم حبيبي
نواف حط يده على قلبه:تذبحني كلمة حبيبي
ريما ابتسمت له بكل دلع وراحت للغرفة تبدل ملابسها..

لبست بنطلون شامواه لونه بني وبلوزة طويلة الى الركبة لونها سكري لها ياقة (قبه)كبيرة من الدانيل وحزام على خصرها النحيل شكله جنان لفت حجاب من الحرير لونه سكري ومشجر بالبني..وفتحت علبة مجوهراتها وحصلت ساعة من خالتها ندى هدية تخرجها ماركة شانيل البيت حق الساعة من الذهب الاصفر وكأنها اسوارة من الولو..وفحمت عيونها بالكحل وماسكرا وجلوس ..ولبست وانتوا بكرامة بوت شامواه لونه سكري ..وشنطة بنيه شامواه<انيقــــــة

نواف كان لابس جينز وفنيلة بيضاء طوق وفوقها جاكيت جينز على نفس لون البنطولون..<جنان شكله

طلعوا هو وريما ونزلوا لمجمع كبير..من محل لمحل ..نواف تعب وراح جلس بمحل قهوة ..وريما كملت مشوارها بالتسوق..

ودخلت احد المحلات الراقيه أعجبها بروش برونزي "رجالي" اخذته ونقشت عليه حرفها R وحرف نواف N....ريما استاحلة تطلع من مجمع ولا تشتري حاجة..اشترت حلق كان لونه فضي رايق وفخم.. عورتها رجولها من كثر المشي بالسوق وكثر فرفرتها بالمحلات..

رجعت لنواف بالمقهي
نواف:هلا وغلا اشتقت لك
ريما: حرام عليك كلها نص ساعة
نواف:ايه النص ساعة الي تستهترين فيها كنها عندي نص سنه
ريما: فديـــــتك...
ريما طلعت كيس مخمل صغير ..فتحته واخذت البروش..ريما قامت من كرسيها وراحت عند نواف..فتحت البروش وعلقته على جاكيت نواف
ريما:اعجبني البروش وحسيت انه لايق عليك
نواف:والله روعة..والله الاروع ان حرفك فيه..تسلمين لي يالغلا
نواف قام من كرسيه يبي يبوسها..
ريما:وين نواف؟ تكفى مو قدام الناس
نواف:وش علي منهم..انا عجزت وانا اقولك مادامك معاي ماهتم في كلام الناس..وبعدين انتي زوجتي
ريما:لا والي يسلمك بوستك وصلت
نواف:لا ماوصلت بس اصبري علي الوعد اذا رجعنا الفندق
ريما:هههههههههه الله يستر منك..

رن جوال ريما..وطلعت الهنوف
ريما:هلا وغلا هنوفة شخبارك؟
الهنوف:يامرحبا بمدام ريما شخبار الايطاليه؟
ريما:هههههه ايطاليه مرهـ وحدة ..تمام انتي شخبارك وشخبار عمتى نورة وعبودي؟
الهنوف:الكل بخير ومشتاقين لك حييييل يالله لو تتصورين كيف فقدناك انا ونوف..
ريما:وانا اكثر يالغالية..
الهنوف:شخبار نواف؟وشلونه معاك؟
ريما:نواف فديت قلبه طيب
الهنوف:اووف فديت قلبه مرة وحدة
ريما:ايه يستاهل كم نواف عندي انا
الهنوف:هههههه ولد خالي شكله سوى لك غسيل مخ..
ريما:ههههههههه
الهنوف:ماطول عليك بس حبيت اسلم عليك واقولك انك وحشتينا مووت..
ريما:الله يسلمك من كل شر ياهنوفة..والله حتى انا اشتقت لسوالفكم وخرابيطم وجمعاتكم
الهنوف:تسلمين ..يالله اجل سلمي على نواف
ريما:يوصل..مع السلامة
الهنوف:مع السلامة

ريما سكرت ودخلت الجوال في الشنطة...
نواف:شخبارها الهنوف؟
ريما:طيبه..يقولون مشتاقين
نواف:لاحقين عليهم..
ريما:افا يعني ماعندك نيه ترجع ؟
نواف:مدري بس شكلي راح استقر بإيطاليا وش رآيك؟
ريما:ياسلام اجل ودني على اقرب طيارة للسعودية..ديرتي مقدر اصبر عنها وعن اهلها واااااه فديت تراب مملكتنا..
نواف:ههههههههه امزح عليك..اساساً انا ماصبر عنها وعن اهلها..


رجعوا للفندق..نواف اخذ له غفوة....وريما جلست بالصالة تقلب بالقنوات في الt.v ماعجبها شيء..شغلت المسجل وسحبت من شنطتها شريط..لراشد الماجد وحطت اغنية (يسألوني ليه احبك حب ماحبه بشر!!)


راحت وفتحت النافذة وطلعت برى كان المنظر حلو على البحر ..ريما سحبت الربطة من شعرها وفلته مع نسمة هواء طير شعرها الناعم وتبعثر بالجو..كانت سرحانه داخله في عالم ثاني
فــــجاءة والي حط يدهـ على خصرها .. كان نواف الي ذبحته سلهمت عيونها الواسعة..وشعرها الحريري المتطاير بالجو...وريحة عطرهـا غطت على المكان..نواف حط يده على خصرها واليد الثاني على ظهرها..ريما كانت ميته خجل من حركتة..ماتدري وش تسوي!! استسلمت للأمر الواقع وظلت بمكانها111111..


: : :

نواف:حبيبتي تبغين نطلع ؟
ريما:والله ماهيب شينه
نواف:يالله اجل تجهزي..ع الساعة 8 ونص تكوني جاهزة؟
ريما:يس
نواف:اوكي كويكلي..

ريما راحت اخذت لها شاور وتعطرت بعطر دولتشي أي غابانا...وحست بنتعاش..لبست تنورة مخمل مطرزة على الجنب وفيها فتحات ولونها تركواز ..وبلوزة لونها تفاحي موديلها لف وجايه طبقات ولابس معاها قلايد طويله ملونه..واخذت معاها شنطة(ديور) تركواز مخمل وفيها ترتر بالتفاحي خفيف..!!حطت ميك آب خفيف شدو ناعم وبلاشر مشمشي وجلوس..



على الساعة 8 ونص طلعت من الغرفة..
نواف:ماشاء الله ع الموعد
ريما:افا عليك وانا اقدر اتأخر على الغالي

نواف ان لابس بنطلون برمودا جيشي ومع داخل فنيلة خضراء ولف على رقبته شال فيه جميع درجات الاخضر..شكلة روووعة..ولابس البروش الي اهدته ريمـــــا1111..


نزلوا يتمشون ..نواف ماسك يد ريما..طبعاً الجو كان بارد شويه نواف اخذ الشال الي على رقبته ولفه على رقبة ريما..ومسكها مع كتفها وهم يتشمون..كانت المناظر روعة!!منظر البحر والليل وقمر يعني الجو هادئ..نواف وريما جلسوا على الشاطئ مع الجو الرومانسي ..

اخذوا قارب وفي وسط البحر الجو رايق نواف جلس جنب ريما...ريما حست بالخجل من كلامة ونظراته..!!بس مطيحة عيونها في الارض..

وبما ان الوقت ليل ولافيه احـــــــد الا نواف وريما بالقارب
نواف سحب الحجاب من راسها..تطاير شعرها بالجو<نواف كان يحب يطالع في شعرها الطويل والناعم..دخل اصابعة في خصلات شعرها..ريما خلاص كانت بتموت من الحيــــــاء<تستحي من ظلها!!

وبعد مانزلوا من القارب عدلت ريما حجابها ..وتعشــــوا في مطعم مكسيكي!!ريما وهي جالسة تاكل رفعت راسها ونواف كان سرحان في عيونها..طبعاً ريما صار وجهها احمرررر..ونزلت عيونها

نواف مسك يدهـ :وبعدين معاك يا بنت العم ..انا مابيك تخجلين مني..انا زوجك وحبيبك..
ريما ساكتة ماقالت ولاكلمة..
نواف:طيب يابنت عمي والله لاخلي الحياء يروح منك.!!
ريما:نواف طبيعتي كذا..
نواف:طبيعتك ولا ماهيب طبيعتك..راح اخليك تتأقلمين مع الجو..
ريما:نصبر ونشوق
نواف:تتحديني!!؟
ريما:هههههه لا انا ماقلت اتحداك
نواف:لا قوليها عادي
ريما بكل اصرار:ايه اتحداك..
نواف:طيب وتشوفين يابنت العم..
ريما ونواف طلعوا من المطعم وهم في حالة انسجام تام..وجلسوا يتمشون بالشوارع الايطاليه
ويدردشون ويضحكون مع بعض يعني رايقيين...!!

: : :

من بكرى الصبح افطروا تحت في اللوبي..
نواف:ريما تصدقيين اني فرحان لانك قدامي
ريما:هههههه والله انك مب صاحي
نواف:يعني لاني احبك موب صاحي..اجل انا اكثر واحد موب صاحي في العالم
ريما:ههههههههه
نواف:انتي تحبيني؟
ريما:فوفو قلبي وش فيك على الصبح..؟فيك شيء؟
نواف قام من الكرسي وسحبه وجلس جنبها لاصق فيها
نواف:يالله تكفين مشتهي اسمعها..
ريما:اللحين اللحين
نواف:أيه اللحين وماراح اتحرك من هنا الا وانا سامعها بعون الله
ريما:طيب أجلها بعدين
نواف:مافيه تكفين الريم قوليها..ولا بزعل
نواف سوى مثل البزراين الي زعلانين..
ريما:لبى قلب الي زعلان ..ومسكته مع خدة
ريما:نواف بعد قلبي اكيـــد انا اكثر وحدة بالعالم تحبك..
نواف:قولي احبك
ريما بكل حياء:احـــبك
نواف قمز من الكرسي ...لدرجة ان الكل جلس يطالع فيه وهو ولاكأن احد موجود!!مبسوط
ريما خلاص ميته من الضحك عليه..

: :

العصر تكشخوا ونزلوا..ريما كانت لابسة بنطلون حرير اسود وعلى حدود البنطلون من فوق شريطة لونها فوشي نازلة وبلوزة سوداء طويله موديلها صيني الى الركبة وعلى الجنب ازرار صينية لونها فوشي..ولفت حجاب لونه اسود وفيه كتابات بالصيني<ركزوا عليها.. لونها فوشي..حطت كحل على برى العين اسود وماسكرا وروج وردي هادئ..ولبست خاتم ذهب ابيض وفيه قطع ضغيرة من الماس لونها فوشي ..واخذت معاها شنطة لونها اسود وفيها فوشي ولها ممسك خشب..

نواف:ياعيني اليوم صايرة صينيه؟
ريما:شفت كيف ههههههه
نواف:دايماً اناقتك تعجبني ذويقة زوجتي
ريما: عيونك الحلوة..شفت حجابي فيه كتابات صينيه..توقع وش مكتوب فيها؟
نواف:ماعرف اقراء صيني ههههه
ريما:مكتوب عليها ريما ونواف
نواف:صدق؟
ريما:ايه يوم كنا في ماليزيا كان فيه بوتيك صيني صغير حق الشغلات هذي وطلبت منه يكتبها بالصيني
نواف:والله انك خطيرة..
ريما ابتسمت له..

: : :

نزلوا يتمشون في مدينة الملاهي..ريما كانت مرعوبة ماتحب تلعب خوافة درجة اولى
نواف:يالله قلبي بنلعب ذيك اللعبة..
ريما:لاتكون ذيك الي تقلب؟
نواف:ايه
ريما:يمة لا والي يسلمك..انا نفسي غاليه علي
نواف:هههههههه..يالله الريم قومي العبي معاي
ريما:والله اني ماحب العب ..بس يالله علشانك راح اغامر والعب

نواف باسها:عساني مانحرم منك
ريما وكأن ماء بارد انكب عليها..استحــــــــــــت موت من حركتة..

طبعاً ركبوها..وريما متوترة..بس نواف ماسكها باقوى حيله...اشتغلت اللعبة ريما كانت مبسوطة واول مرة ماتحس بخوف من الالعاب..يمكن لأنها مع نواف؟

نزلت من اللعبه
نواف:هاه مدام ريما وش رايك فيها؟
ريما:روووعة
نواف:خفتي؟
ريما مسكت يدة بقوة:كيف اخاف وانت معاي
نواف حط يدهـ على راسها:ياحبني لك
ريما:هههههه هذي كلمة نوف المشهورة ياحبني لك
نواف:هههههههه صدق!!

ريما :فوفو قلبي ممكن اطلب طلب؟
نواف:لا
ريما عصبت:ليش؟
نواف:انتي موب تطلبين انت تآمرين آمر..وش بغيت يابعد قلبي.؟
ريما:نفسي في الحلاو هذا شعر البنات الوردي الي بعصا
نواف:هههههه تسترجعين ايام الطفولة؟ولا ايش؟
ريما:ايه وش ورانا ..
نواف:من عيوني..
اخذ لريما وله وجلسوا ياكلونه وهم يضحكون..

نواف كان في كامل كشختة وياكل شعر البنات ووبعدين احتاس في اكله وصاير حوسة
ريما طلعت جوالها واخذت تصور نواف وهو تضحك على شكلة الي متخربط..ونواف يضحك عليها111
نواف: انا اشك ان فيك عرق ياباني ياحبك للتصوير
ريما:ههههه ايه انا عقدت امي وابوي بس امشي واصور معي كاميرا عادية وكاميرا الجوال
نواف:ههههههههه ماشاء الله عليك خبيرة بالتصوير..
ريما:اعجبك...

: : :

طلعوا من مدينة الملاهي وراحوا على كازينوهات على البحر هادية ورايقة ..كلها شموع يعني معطين جو..جلسوا على احد الطاولات وطلبوا عصير..

ريما كان في بالها تسأل نواف هو يحبها؟..هي عارفة انه يحبها بس حبت تسمعها منه..
ريما بكل ارتباك:نواف
نواف:سمــــــي
ريما:آآآ ممم انت تحـ بـ ـ نــ ـي؟

نواف سكت تقريباً خمس دقايق..ريما حست بإحباط..وبعدين تكلم وقال.

نواف:آه ياقرب المسافة بين عقلي والهبال
وقولي للعالم تجنن..جنــــنه صادق هواه
وآه يابعد المسافة بين صدق واحتمال
ماأحبك او أحبك والغلا واصــــــــل مداه
أتعب بقربك وبعدك وأسهرك كل الليال
أغرق بعينك بلحظة ولامعي طوق النجاة
انتي يابين الحنايا انتي يابنت الحلال
فيك عالم من مشاعر وجاك شاعر فيك تاه
أملك الدنيا بيمينى بس لاقلتي تعـــال
وغيرك اصلاً لابغاني قلبي اصـــلاً مابغاه
انتي في كفه لحالك وباقي خلق الله لحال
ويكفي إنك لاطلعتــــــي العمــــر عوّد وراه
ياعذاب القلب دونك ياعذاب بلا وصال
يا مكان انتي تـــــجينه تنقلب ارضه سماه
امطريني لين اسافر بين حلمي والخيال
اعشقينـــــــــي قد قلــــــــبك قد ما أعرف وفاه
انتي اتعبتي ورودك وتسألي نفس السؤال
ريـــحي قلبك أحـبــــــــك وانتي لي طعم الحياه

ريما :صح لسانك ملايين..
نواف:ردي على سؤالك في هذي القصيدة
ريما ابتسمت له ابتسامة بدلع

رجعــــــوا للفندق..ريما كانت مرهقة ..لبست بجامة ورديه حرير ميــدي..والبدي فيه قلب بااحمر كبير..حطت ربطة على شعرها لونها وردي ورفعته..

طلعت لنواف..الي كان جالس بالصالة
نواف:فيك نوم؟
ريما:لا بس احس اني مرهقة بعد المشوار
نواف:سلامتك حبيبتي..

قام نواف وسحب يد ريما ..وجلس على الكنبه وخلها تنسدح على رجله..ريما كانت مستحية ..وقامت ..نواف حلف عليها الا تسند راسها على رجوله..وجلس يلعب بخصلات شعرها ..ريما ماحست بنفسها الاوهي نايمة..راح نواف وسحب غطاء من السرير وغطى فيه ريما..وجلس يطالع فيها ويتأمل شكلها وهي نايمة نواف(ياناس احبها11111)



طلع نواف طفش ريما نايمة وماحب يزعجها نزل تحت..راح لحديقة قريبة من الفندق والصدفة جمعته بصديقة فهـــــد كان يدرس وياه في أمريكا ..نواف كان مبسوط لما قابله..وكذلك فهد ماصدق ان نواف الي قدامه..
فهد:وش عند نواف في ايطاليا؟
نواف:شهر عسل جاي انا وحرمتي
فهد:ماشاء الله تزوجت!!
نواف:ايه
فهد:بالمبارك يابو سعود
نواف:الله يبارك في عمرك..هاه خلصت دراستك؟ولا لسى؟
فهد:الحمد لله هذي آخر سنة
نواف:ماشاء الله شديت حيلك يوم رحنا انا والشباب
فهد:أي والله قلت خلاص جاء وقت الجد..وحسيت بفراغ كبير بعدكم
نواف:ياحبيبي يابو عبدالله
نواف:وش عندك فهد في ايطاليا
فهد:ابد جاي مع الاهل سياحة..
نواف:لايكون عطلتك عن اهلك..خبري بالي عايش بغربة يشتاق لأهله
فهد:ولو يانواف مشتاق لك حيل واهلي لاحق عليهم خلينا نروح لأحد المقاهي نجلس فيه احسن من الوقفه هنا
نواف:وانا اكثر يالغالي ..ايه صدق حتى الجو بداء يبرد
فهد:يالله اجل..

راحــــــوا وجلسوا في كوفي ..وسواليف ومزح وضحك..ماحسوا بالوقت.. جلسوا 4ساعات وهم مع بعض..

ريما ما طولت في النومة..على طول صحت ..وتفاجأت أنها مالقت نواف تدورهـ في كل مكان ماحصلته..

دخلت الغرفة وكان معلق ورقة على المرآيه

حبيبتي ريوم
انا طالع اشم هواء..طفشت بدونك..وماحبيت اصحيك
ماراح اطول..
نواف..

ريما بعد ماقرت الورقة حست براحة شوي..جلست عند التلفزيون ساعتين ..كانت قلقانه على نواف مو من عوايدهـ يتأخر..جلست بكل خوف وقلقل كل شوي تطالع في الساعة..تحس ان عقارب الساعة ماتحرك..تتصل على جواله مقفل..المسكين فضت البطارية عليه..

ريما كل شوي قايمة عند الباب تروح وترجع ماجلست من الخوف..صارله 3 ساعات وهو مختفئ..

ريما(ياربي سترك..وين راح تأخر..هو كاتب في الورقة انه ماراح يتأخر..اكيد صاير له شيء..)
ظلت تمشي وتدور من غرفة للصالة ارتبكت..ماتدري كيف تتصرف..!!الهواجيس تطاردها...وكل شوي تقول استغفر الله ..اعوذبالله من الشيطان الرجيم..!!

ريما(اتصل على ابوي واقوله..بس لا فشلة اذا رجع..لا مو بتصرف هذا تصرف اطفال..يارب يرجع لي نواف...!!)

مرت 4 ساعات ولاجاء او اتصل يطمنها111...


ريما جابت كرسي وجلست عند الباب تستنى نواف رجولها ماقدرت تشيلها من الخوف..

: : :
نواف جلس يطالع ساعته
نواف:اووف يافهد تأخرت على المدام
فهد:ههههه عاد انا ماعلي منك لا مدام ولا شيء توني عزابي
نواف:يالله انا لازم اروح..مر الوقت بسرعة وربي ماحسيت فيه..
فهد:أي والله ماكأنها مرت 4 ساعات ..
نواف:فرصة سعيدة الي جمعتني فيك
فهد:وعاد لازم مانقطع عني..هذا رقمي تفضل
نواف:خلاص اجل بيننا مكالمات..وشد حيلك بدراستك..
فهد:ان شاء الله
نواف:فمان الله
فهد:فمان الكريم..

ريما كانت ميته من الخوف على نواف وعلى اعصابها..واقفة عند الباب تنتظره ..نواف جاء وفتح الباب وشاف ريما واقفة قدامه واصله معاها معصبه لابعد حد..

نواف:مساء الحب ريومتي..
ريما:وين كنت؟
نواف:عند صديقي تخيلي توي اشوفه من كنت في امريكاء
ريما تقطع كلامة:طيب ليش ماتصلت فيني طمنتي عليك..على الاقل تذكر ان فيه وحدة جالسة على نار تستناك..حرام الي قاعد تسويه فيني ...انا انتظرك وميته خوف عليك وانت جالس مع صديقك.. نواف:وش فيك؟
ريما:وش الي مافيني ..حضرتك غايب لك 4 ساعات وتبيني اكون مبسوطة..وانا مادري وين انت فيه..
ريما راحت للغرفة معصبة وصبخت بالباب بقوة ..نواف كان مصدوم وش فيها؟اول مرة من تزوجنا تسوي كذا..صحيح اني غلطان بس مايستاهل تسوي كل ذي الضجة..!!
نواف راح وجلس على احد الكراسي وحط يدهـ على راسهـ..ريما طاحت على السرير وجلست تبكي من قلب..اول مرة اطول صوتي عليه..بس والله كنت مرعوبة عليه..ياربي انا ايش سويت..يمـــة محاتجة لك..ظلت تبكي وهي ماسكة الوسادة..بعدين راحت للمرآية ومسحت دموعها..وطلعت..فتحت الباب لقت نواف جالس على كرسي ويدهـ على خدة ..ريما راحت عنده وجلست على ركبها وحطت راسها على رجوله وجلست تبكي..
ريما:انا آسفة حبيبي نواف على الي سويته..بس تكفى لاتتركني..مقدر اعيش من غيرك...حياتي بدونك صعبه..انا ماتخيل نفسي من غيرك ..لاتتركني..والله احتاجك <كانت تبكي مثل الاطفال..
نواف نزل من على الكرسي وجلس مقابل لها يعني لاصق فيها..رفع راسها بيدينه وكان شعرها مخفي وجهها رفع شعرها وكانت دموعها تنزل مسح دموعها..
نواف:حبيبتي انا لايمكن اتركك او اتخلى عنك..انتي دنيتي كلها زوجتي وصديقتي وحبيبتي..ومايفرقنا ان شاء الله غير الموت!!
ريما حطت يدها على فمه:لاتقولها..بعد عمر طويل..
نواف:اليوم احنا تعبانين..خلينا ننوم..
ريما مسندهـ راسها على كتف نواف..
ريما:براحتك..
نواف مسك ريما وشالها وحط يدهـ وراها ومشى فيها لحد ماوصلوا الغرفة..

: : :

ماجد كان في الشرقية..
دخل على اخته عبير في غرفتها.
عبير:حي الله مجود..تفضل
ماجد:زاد فضلك..شخبار عبورة؟
عبير:عبوره اهااا هات من الآخر..وش عندك؟
ماجد:ماشاء الله عليك..ذكية تفهمينها على الطاير
عبير:ايه مقيوله اخت الدكتور ماجد كيف ماكون ذكية
ماجد:هههههههه
عبير:ايش آخبار ندى؟
ماجد:آآآآهـ بس على ندى
عبير:ههههههههههههههههه طالعة من قلبك ياكبرها هالآآآآآآهـ..وش اخبارها؟
ماجد:مدري عنها..مابعد يوم الملكة
عبير:اووووف طيب ماتتصل عليها او هي ماتتصل عليك؟
ماجد:لا..انا جاي لك بخصوص هالموضوع
عبير:تفضل ايش هو الموضوع؟
ماجد:ابيك تتصلين عليها..وتسولفين معاها..وبعدين تسألينها اذا كان عادي عندها اتصل عليها او لا؟
عبير:ماعليك يابن الحلال خذ رقمها عندي..اتصل
ماجد:لا ياعبير..كذا قلة ادب..لازم تتصلين وتستأذنين..والمكالمات حرية شخصية..اخاف اسبب له احراج..
عبير بكل مكر:طيب ان شاء الله انا راح اتصل بس على شرط
ماجد:كل شروطك راح انفذها
عبير:اسمع ياخوي ..ابي بعد مااكلمها تطلع تتمشى فيني على الكورنيش..وبعدين تعزمني على ستاربكس نفسي بموكا..وبعدها ابي تعزمني على وجبة من ماكادونالدز....وش قلت
ماجد:اووولله كل ذا على مكالمة وحدة
عبير:اجل خلاص ماراح اتصل عليها..وتفضل من غير مطرود
ماجد:خلاص خلاص امززح..وربي امززح..كم عبورة عندي ابشري ولايهمك..كل الي قلتي عليه راح يتنفذ بس اتصلي عليها اللحين..
عبير:طيب
اخذت الجوال من (الكومادينه)وجلست على كرسي..وماجد كان عندها جالس..اتصلت عليها وردت ندى..!!


عبير:هلا ندى..!!
ندى:هلا بك اكثر
عبير:شخبار مرت اخوي؟
ندى:هههه طيبه..انت شخبارك..وشخبار خالتي والبنات؟
عبير:كلهم بصحة ..ماودك تسألين عن بعض الناس؟!!<تطالع في ماجد
ماجد ضربها وجلس يأشر على السبيكر
عبير:آآآي
ندى:وش فيك؟
عبير:لا ابد سلامتك..بس يدي سكر عليها الدرج
ندى:ههههه والله انك ملقوفة بشكل
عبير:هههههههه
..عبير حطت على السبيكر..
عبير:ليش ماسألتي عن الغاليين؟
ندى:شخبار ماجد؟
عبير:طيب ومشتا111111ق لك بالحيل
ندى:ههههههه
عبير:الا تعالي وراء ماتتصلين عليه
ندى:انا اتصل لا صعبه ..
عبير:طيب انا قلت له من شوي اعطيك رقم ندى علشان تتصل عليها..بس هو رفض...تدرين ليش؟
ندى بكل حماس:ليش؟
عبير (تقلد صوت ماجد):يقول اخاف تتضايق وبعدين قلة ادب كذا لازم تستأذنين منها قبل لاتعطيني الرقم
ندى:ماشاء الله عليه..خليك مثله خلوقة..او انتي مافيه امل تطلعين مثله
عبير:هههههههه ليش ناقصني ايد ولا رجل علشان ماطلع مثله؟
ندى:لا ماشاء الله انتي كاملة بس صعبه تصيرين مثله
مـــــاجد كان مبسوط على كلام ندى ..وكان ودهـ ياخذ الجوال ويكلمها بدل عبير..
عبير:هاه وش قلتي؟
ندى:على ايش؟
عبير:اعطي اخوي العاشق الولهان رقمك؟
ندى:لا حبيبتي لا تعطينه
ماجـــــد تحطم بشكل..
عبير:لييييش؟
ندى:ياحبيبتي ياعبورة انا بصراحة ماحب المكالمات الي تصير قبل الزواج..احس ان الواحد خلاص راح يشبع من خطيبته قبل الزواج..يعني بالسواليف والضحك والمزح..
عبير:بس كل المخطوبين كذا؟
ندى:انا غييير..انا ابي ماجد مايعرفني يعني بعد الزواج راح يتعرف علي اكثر واكثر ..واحسن من المكالمات والخرابيط..هذي وبعدين ماجد مشغول بدراسته..وانا بصراحة ماحب اكون شبب يشغله عن الدراسة..

ماجد اعبجة كلام ندى..وحس بالفخر فيها..وكانت قريبه من افكارهــ..والغاء فكرة المكالمات بينه وبينها بعد ماسمع كلامها..

عبير:اكشخ..والله ان تفكيرك غريب..
ندى:شفتي كيف؟ههههههه
عبير:هههههههه...يالله اجل باي
ندى:بايات
سكرت الخــــــــــــط...

عبير:هاه وش رايك في الي سمعته؟
ماجد:ياعيني عليها..والله انها تفكر كويس..اساساً انا مابي الرقم من زمان..بس انتي الي اصريتي..
عبير:نعم نعم.؟اللحين جايني في غرفتي وتترجاني اتصل على الهانم..وبعدها تقول مابي الرقم...والله انك نصاب محترف..
ماجد:يالله انا طالع
عبير:واللي وعدتني فيه؟
ماجد:ماوعدتك بشيء..انا قلت اذا وافقت على الرقم ذاك الوقت اسوي لك الي تبينه
عبير راحت تركض ورى ماجد:حر1111111م عليك توعدني كذا..مانيب ماعلي منك بروح اجيب عبايتي وبركب بسيارتك وسوي الي تبي..
ماجد:ههههه بروح لم الشباب..
عبير:ماعلي منك الشباب ماهم بطايرين ..توديني يعني توديني..
ماجد:طيب يالله جيبي عبايتك بسرعة
عبير طمرت من مكانها:يييييييييييس
ماجد:هههههه الحمد لله والشكر..


: : :
ريما صحت قبل نواف..وحست انها نامت زين..دخلت الحمام وانتوا بكرامة واخذت شاور..وطلعت وبدلت ملابسها..وراحت تصحي نواف..
جلست على السرير جنبه..
ريما:فوفو حبيبي يالله اصحى
نواف:ريما حرام عليك امس مانمت شيء..طول امس واحنا سهرانين..
ريما:يالله ياقلبي قوم مابي اجلس لحالي..
نواف:بس شوي خليني نايم عشر دقايق
ريما:هههههههه ذكرتني يوم كنت في المدرسة..كنت اقول هالكلام لأمي اذا جت تصحيني
نواف:هههههههههه..نواف قام وجلس على السرير..عند ريما
ريما:ياسلام على الي صحوا..يالله قوم اخذ لك شاور وبتحس بالانتعاش..
ريما قامت من السرير..نواف سحب يدها111 ومن قوة السحبة جلست على السرير
ريما:وش فيك؟هههههه
نواف: وين البوسة؟
ريما:قوم اخذ لك شاور وبعدين
نواف:مانيب متحرك لما تعطيني بوسة
ريما: هههههههه
نواف:يعني مافيه بوسة
ريما تهز براسها
نواف:طيييييييب يالريم
جلس يركض وراهـا وهي تركض وميته ضحك على شكل نواف ..وهو مبسوط ويركض وراها..ريما تعبت من الركض..ومسكها نواف وكتف يدينها..
نواف:هاه يالله مسكتك ومافيه مفر مني..غير انك تبوسيني؟
ريما:غمض عيونك..
نواف غامض عيونه على طول باست نواف وهربت منه وكان وجهها احمررررر من الفشلة..
نواف كان مبسوط من ريما..

نواف اخذ له شاور..وافطر هو وريــــــما.بــــعدين لبــــسوا وتكـــــشخوا ..
ريما لبست بنطلون لونه فوشي..وبلوزة صوف (هاي نك) فيها الوان متدرجة الوان الطيف ولبست فوقه (سدريه)لونها فوشي ومع تحت لها كمر على خصرها...لبست وانتوا بكرامة كاوتش لونه فوشي وفيه الوان على الجنب..كان واطي وحلو....لبست ساعة جلد والبيت حقها مربعات صغيرة..شكلها حلو..حطت ميك آب ناعم وتعطرت..وطلعت

نزلت هي ونواف كان الجو حلو وفينيسا كانها مدينه من مدن الخيال كل شيء فيها له بريقه الخاص..
راحوا للشاطئ وكانوا قريبين من البحر.. نواف جلس على الكراسي الموجودة على الشاطئ وريما تمشي جنب البحر..!!

ريما كانت قريبة بالحيل للبحر..تمشي وهي تفكر ان حبها لنواف كل يوم يزيد عن الثاني..ماتقدر تصبر عنه ولا دقيقة..ماكانت تتوقع انها بتتعلق فيه هالكثر..او بتحبه اكثر من قبل...كانت تتمنى تسعدهـ وتحقق له كلالي يبيه..

ريما كان معاها الجوال..فتحت الاستديو وجلست تسمع..!!..


والله احتاجك انا..خلك بجنبي قريب..
وان حصل شيء بيننا..عن حياتي لاتغيب..



انا من بعدك اتوهـ...وعالمي بعدك يضيع..
تختلط عندي الوجوه..العدو يصبح صديــق..


تدري يالقلب الحنون..انت بالنسبة لي ايش..
وانا بعدك كيف اكون..وليه احـــس ولــــيـــه


يالي شفت احلامي فيك..والتقيت باحلى جنه..
ادعي ربي وارتجيه..ربي لاتحرمــــني منـــــه..


لو تهب الدنياء ريح..وينتهي كل الزمان..
ويصبح العالم جريح..انا في يديك بآمــــــــان..



قلبك البيت الكبير...الي ظللني بوروده..
واصبح الحلم الاخير..صعب ابعد عن حدوده..


نواف جاء وراء ريما..وشالها بين يدينه..وراح يركض فيها..كانت اشكالهم روعة..الكل يطالع لهم..ويحس بسعادتهم وكيف هم متفاهمين ..


ريما:نواف تكفى نزلني..يمممممه
نواف:ههههههه ماراح انزلك وش عندك؟
ريما:هههههههههههههه..تكفى
نواف:مافيه
نواف يزيد بسرعته ويركض فيها على البحر وريما تصرخ..وهو ميت ضحك عليها وعلى صراخها..

: : :

الهنوف كانت تكلم نوف..
الهنوف:صراحة يانوف..هذا ولد عمك يبي له فركة اذن علشان يتأدب
نوف:ههههههه ولد عمي مهوب ولد خالك بعد؟
الهنوف: بس الصراحة ليت لو نواف موجود كان اقول لريما تقوله..يعطيه كف محترم يبرد قلبي ..عاد انا اكرهـ شيء عنـــدي الجرآءة الزايدة
نوف:هههههههه شكله قاهرك
الهنوف:هههههههههه بالحيل..
الهنوف:اتصلت على ريما
نوف:احلفي..شخبارها؟ ياحياتي هي اشتقت لها..
الهنوف:طيبه ومبسوطة..الله يديم المحبه بينهم
نوف:آمين..والله نفسي اكلمها..بس استحي
الهنوف:انا كنت مستحية..بس ماصبرت ماحسيت بنفسي الا وانا اضغط ارقامها واتصل عليها
نوف:والله لها فقدة
الهنوف:اي والله..اللحين ملتهيه بالغالي
نوف:هههههههه

: : :

نواف:حبيبتي اليوم نبي نروح للسينما..
ريما:ياااااي تصدق نفسي اتابع فيلم هندي من زماااااان عن افلام الهنود..
نواف:هههههههه هندي!!
ريما:وش يضحكك؟ ايه هندي
نواف:احنا بنروح ونشوف وش العروض حقت اليوم..!!
ريما:اوكي

كان فيه فيلم اكشن وإثارة..ريما رفضت تدخل..<خوافه
وفيه فيلم رومانسي..وطبعاً اصرت الريم على انها تدخلة..راح نواف واخذ معاه بوب كورن ودخل هو وريما للصالة حقت السينما ..مخصص لهم مقعدين جنب بعض...

ريما كانت متأثرة بالفيلم ومنسجمة..طول الوقت تبكي على الاحداث ..نواف يطالع فيها ويضحك عليها..وعلى برأتها ..وانسجامها الكبير مع الفيلم..!!

نواف قرب من ريما وحط يدهـ وراها..وكل مابكت ريما نواف يضحك ويعطيها منديل علشان تمسح دموعها...وبعد ماخلص الفيلم طفت الاضواء حقت الصالة وكانت ظلام..نواف استغل الفرصة وباس ريما من جبينها..
نواف:كفايه دموع ريومتي..
ريما:ورى ماتأثرت بالفيلم كانت اللقطات تعور القلب لما افترق البطل عن حبيبته..
نواف:هههههههه..انتي سخية بدموعك..
ريما:انا أتاثر بسرعة ..

نواف مسك يد ريما ..
نواف:يالله خلينا نطلع..
طلعوا ريما ونواف..من السينما وراحوا تعشوا في احد المطاعم..

نواف:ريومتي..ترى بعد بكرى بنرجع
ريما:احلـــــــــــــف
نواف:امداك طفشتي مني يعني؟
ريما قربت لنواف :لاحبيبي انا لو اجلس معك في غربة العمر كله مااراح اطفش منك..وش ذا الكلام ياقلبي.. انا مشتاقة حق اهلي..بس كذا
نواف: بس كذا؟
ريما:ايه بس كذا..
نواف:فيك نوم؟
ريما:اييه ميته على مانام
نواف:حتى انا فيني نوم يالله ياقلبي
ريما: لا لا هونت خلاص طار النوم هههههههه
نواف:ههههههههه على مزاجك..
ريما:هههههههههههه
: : :
ام ريما:يالله اش قد اشتقت حق بنتي يافهد
ابو ريما:حتى انا انتظر اللحظة الي اشوفها فيها على نار..
ام ريما:لازم اذا جت نسوي عزيمة كبييرة
ابو ريما:من هالناحية تطمني..انا مرتب كل شيء..بس العزيمة ماراح تكون يوم واحد..
ام ريما:شلون يعني؟
ابو ريما:ماعليك انتي..خليها تجي بالاول..ويصير خير!!
ام ريما:ان شاء الله..

: : :

محمد وعبدالرحمن كانوا يتمشون في السيارة..
عبدالرحمن:هاه محمد وين قررت تسجل؟في أي قسم؟
محمد:انا ماراح ادرس هنا في المملكة!!
عبدالرحمن:وين يعني؟
محمد:انا بدرس برى..في كندا
عبدالرحمن:انت معاك نسبة ممتازة يعني أي جامعة واي قسم يتمناك..وبعدين وش حقة تروح وتغترب وتعذب نفسك..وهنا في المملكة متوفر لك كل شيء وبين اهلك وناسك..غاوي عذاب يعني؟

محمد:ياعبدالرحمن انا بروح ادرس تخصص مو موجود في المملكة..يعني نادر ماتلاقي شباب معاهم التخصص الي في بالي..وبعدين انا اذا اخذت التخصص راح أحاول اكمل دراسات عليا..وبعون الله باحصل على الدكتوارة..
عبدالرحمن:تدري عاد تفكيرك مثل تفكير نوف اختي..تترجى في ابوي انها تسافر برى وتدرس ..بس ابوي رافض الفكرة يقول صعبة بنت تروح وتدرس لحالها
محمد كان مبسوط:احلف..والله انت محظوظ في اختك
عبدالرحمن:شلون يعني؟
محمد:هاه..لابس يعني واحد عنده اخت مثل نوف ولها تفكير راقي مثل كذا يعني محظوظ
عبدالرحمن:طيب فكنا من نوف اللحين خلها تنجح من الثانوية العامة ولكل حادث حديث..انت يالحبيب كم بتجلس يعني؟
محمد:يمكن 7 أو 8 سنين..
عبدالرحمن:اوولله عمر يامحمد 7 سنين..طيب قلت لعمي وامك..وافقوا؟
محمد:ابوي ايه وافق..بس امي تضايقت من الموضوع..تقول صبرت على فراق نواف خمس سنين ويوم رجع بتطير مني..
عبدالرحمن:والله مالومها..الغربة صعبه ولوحدك بعد صعبة!!
محمد:بس انا ماراح اكون لوحدي..
عبدالرحمن مندهش:اجل مين راح يكون معاك؟
محمد:كلها سنتين وبتزوج وباخذ معاي زوجتي وبنروح..خبرك الواحد من المفترض مايسافر برى الا ومعاهـ زوجته..
عبدالرحمن:هههههههههههههههههه
محمد:وش فيه كلامي علشان تضحك..؟ماقلت نكتة؟
عبدالرحمن:خوش بعد بتتزوج..ماشاء الله ع البركة
محمد:الله يبارك فيك
عبدالرحمن:ومن هي تعيسة اقصد سعيدة الحظ الي بتاخذك؟
محمد:انا حاطها في بالي ..بس كل شيء في وقته حلو
عبدالرحمن:تكفى منهي؟
محمد:قلت لك كل شيء بوقته حلو..
عبدالرحمن:طيب انا اعرفها؟
محمد:لاتستعجل قريب راح اعلمك بكل شيء..

محمد بينه وبين نفسه(ايه ياعبدالرحمن..انت اكثر واحد تعرفها..نوف ياعبدالرحمن..هي الي حاطها في بالي..بس ليش كذا تعاملني بكل جفاف وبرود..انا احبها ولايمكن آخذ غيرهااا..)

محمد كان مشغل اغنية..

وصيت قلبي عليك وفكري وظني..ان غبيت عنهم عليك عتابهم هادئ
ماودي تجرح شعروك كلمتن مني ..وانت حياتي وعمري ومهجة فؤادي

ودي تعيش العمر راضي ومتهني..مرفوع راسك ..عليك العز متبادي
ياتاج راسي وانت مني وعني... تامر وتنهي وامرك اول البــــــــــادي

لاتخاف مني وقلـــبي اذا ونــي..اكــيــد مشتـــاق لك ياغــــاية مرادي..
مايتعب القلب غير الشوق لاكني.. اصبره بالقصيد وصوتك الشاجي..

انا احبك واحبك من صغر سني...مابالغ ان قلت لك من يوم ميلادي..
اكبر ويكبر غلاك الي مجنني..غصبن عن عيون حسادك وحسادي

ياشوق قلبي..وروحي وقطعةَ مني..عتابك الطف من النسمة على ..
مايجرح القلب الا غيبتك عني ولا عتابك يشابه طبعك الهادئ..

من كثر خوفي عليك الخوف يمحني..افقد شعوري واشوفك غاية مرادي..
ان غاب صوتك اناجي الليل واوني..واتخيلك واتذكر هامة بلادي..
: : :

عبدالرحمن تضايق من سمع الخبر من محمد..انه بيروح ويدرس ويتركة..وهو قريب منه بالحيل كيف بيصر عنه كل السنين..!!

رجع للبيت بدري..مو من عوايدهـ دخل غرفتة وهو طفشان..حس ودهـ يتكلم يفضفض لاحد...طلع من غرفته ولقى نفسة عن غرفة نوف..طق الباب ودخل..

نوف:وش فيك عبدالرحمن؟شكلك اليوم مو على بعضك؟خير؟
عبدالرحمن:والله يانوف مدري وش اقولك؟
نوف:تكلم وش فيك؟
عبدالرحمن:محمد راح يدرس برى
نوف كانت مصدومة مو مستوعبه وش يقول..انعقد لسانها ماتدري وش تقول..متى؟وليش؟وكم بيجلس؟
عبدالرحمن:راح يسافر...ويبي يطول تخيلي..!!
نوف وفي عيونها حزن عميق:وكم بيقعد برى؟
عبدالرحمن:8سنين بالكثير
نوف:اوووف والله ..مدة طويلة..
عبدالرحمن:بعد ماصار لي اخو بيروح ويتركني..
نوف(وحتى انا بيتركني..)
نوف سكتت وماقالت ولاكلمة..حست بصدمة كبيرة..

بعد ماطلع عبد الرحمن وكان متوقع انه بيطلع وهو مرتاح من غرففة نوف..كان يتوقع ان نوف بتتكلم بتخفف عنه اكثر..بس نوف ماتدري وش فيها كانت مصدومة حست بحزن وضيقة..

راحت وفتحت الكيس الي من محمد..وطلعت الإيشارب الي منه وجلست ولفته عليها ونزلت دموعها بحرارة كانت تسمع لمحمد عبدة..

ليت ربي ماكتب لحظة وداع..ولافراق ولادموع ولاضياع..

ليت كل الناس خل مع خليله..وكل ماقيل النهايه بين الاحباب

الرحيـــــــــل قلت احبه حيـــــــــل..

: : :
نواف وريما صحوا من النوم..وجلسوا بالصالة عند التلفزيون..ريما راحت وصلحت شاي..

صبت الشاي لنواف..
ريما:كم ملعقة سكر احط لك؟
نواف:حطي اصبعك فيها هذا احلى سكر
ريما:ههههه لاعاد حبيبي يالله
نواف:انا قلت لك..ابي تغطين اصبعتك فيها..
ريما:نواف
نواف:ههههههه ملعقتين..يالبى قلبك اذا عصبتي تهبلين..خدودك تصير كنها ورد احمر..!!
ريما:ههههههه ياسلام بس اذا عصبت اصير حلوة بعينك؟
نواف:افا والله افا يابنت العم

قام وحط يدهـ على خدها..
نواف:انتي حلوة بعيوني في كل وقت اذا ضحكتي وعصبتي وابتسمتي وكل شيء يالغلا..
ريما حطت يدها على يد نواف:تسلم لي وعساني مانحرم منك..!!
نواف:ولامنك..اسمعي قلبي اليوم تجهزي..ماراح نرجع للفندق الى وجهه الفجر ..تعرفين آخر ليلة لنا في إيطاليا ..
ريما:اوكي اجل انا بقوم ببدل ملابسي..شوي واكون جاهزة..

ريما لبست بنطلون كتان لونه بيج..ضيق من فوق ومع تحت وسيع..وبالطو لونه (توتي)وعلى الرقبة فروا..وعلى الاكمام فرو ..ولبست ساعة رايقة صاير الستيك حلقات..ولبست كاوتش شاموا لونه قريب من لون الفرو..ولفت حجاب شيفون لونه بيج وفيه حلقات لونها توتي على الجنب..!!حطت ميك آب,,,شدو وروج وكحلت عيونها..وطلعت لنواف الي كان ناطرها..

نواف:ماشاء الله وش كل هالشياكة؟
ريما:طول عمري انيقة وبعدين الشياكة ديه كلها لحضرتك ياسي السيد
نواف:هههههههههه يالله بينا عايزة تخرجي؟..
ريما:آهـ ونص
نواف:اشوف قلبنا مصارية هههههههههه
ريما:هههههههههههه

طلعوا ريما ونواف..وتمشوا في آجواء روعة!!
دخلوا اسواق وتمشوا فيها..وريما اشترت لأمها وأبوها هدايا..ومانست ندوش وجدتها..
ريما:حبيبي وش رايك في ذي الأسوارة؟
نواف:روعة وانا واثق من ذوقك..بس لمين انتي شريتي لامك؟
ريما:لخالتي
نواف:ندى؟
ريما:ههههههه لا أمك..
نواف:ههههههه ياحياتي والله ياريومة مانسيتي حتى امي!!
ريما:وشلون انسى ام الغالي..
نواف:آه ياريما شوي شوي علي..ترى بموت والسبب انتي
ريما:لا بسم الله عليك..لاتقول كذا..
نواف:تخافين علي؟
ريما:اخاف عليك؟هذا سؤال يانواف..اكيد اخاف عليك كثر ماخاف على نفسي ويمكن اكثر بعد..
نواف مسك ريما مع يدينها..وسحبها وباس يدها..ريما تفشلت واستحت..لانها كانت في وسط المحل..والي تبيع كانت بنت شابة..انبسطت على حركة نواف ...وراحت عندهم واعطتهم بوكية ورد..وجلست تتكلم مع نواف ايطالي ونواف يتكلم معاها طولت وهي تحاكي نواف..وبعدين..ابتسمت لريما..وراحت

ريما:وش قالت؟
نواف:سئلتني ياطويلة العمر..شكلك تحبها؟قلت لها مو بس احبها انا اموت فيها..!!وقالت ان اشكالكم لايقة على بعض..وانكم اكثر زوجين رومانسيين شافتهم في حياتها.ولما جت تروح قالت حرمتك حلوة حافظ عليها
ريما:ياحليلها
نواف:وهذا الورد هدية منها لك..
ريما:والله انها ذوق..
نواف:ايه صح

طلعوا من المحل..وراحوا محل ثاني واشتروا لأبو نواف هدية.وبعدين طلعوا من السوق..
ريما:نواف ماكأنك نسيت شيء مهم؟
نواف:مدري بس اعتقد مانسيت احد..
ريما:محمد اخوك
نواف:ايه صح ذكرتيني فيه..لاوازيد من الشعر بيت هو اكثر واحد يقول ابي هدية خاصة من ايطاليا
ريما:هههههه خوش توصية اجل
نواف:لولا الله ثم انتي كان رحت في خبر كان..عاد مين يسلم من لسانه..فديتك يالغلا..
ريما اقترحت على نواف يشترون لمحمد عطر وساعة..وريما اختارتهم لان ذوقها حلو..

طلعوا نزلوا الاغراض بالفندق وارتاحوا شوي وكملوا مشوراهم وطلعوا مرة ثانية..ريما راحت وبدلت ملابسها..

ولبست جاكيت قصير مخمل لونه عنابي.. ومع تحت بلوزة شيفون ولها ياقة(قبة) بارزة..ولفت على رقبتها ايشارب طويل وسخيف لونه عنابي وفيه ترتر خفيف..وبنطلون كحلــــي ومع تحت فيه تطريز بالعنابي...ولبست خاتم من التوباز كان رايق وفخم...عدلت الميك آب بمعنى آخر كثفته لانها بتروح تسهر مع نواف..!!لبست بوت له كعب عالي كان لونه بنفس درجة الجاكيت..ريما تعطرت من كوكو شانيل عطرها المفضل وطلعت لنواف..

نواف سحب كرسي وجلس عند النافذة يتأمل الناس الي تحت كانت الاضواء روعة والمكان يعج بالناس.. والحركة المستمرة نواف نسى نفسة وجلس يطالع فيهم..جت ريما من وراهـ وريحة عطرها تسبقها..حطت يديها على عيون نواف..نواف مسك يديها وحس كيف هم نعومات وصغار بالنسبه ليدينه..!!التفت عليها ..ابتسم لها ابستامة ذابت ريما من وراها..


نواف:والله انك خطيرة ياريما..انا جالس انتظرك برى وانتي تتكشخين..
ريما:ايه حبيبي انا احب التجديد وبعدين علشان ماتمل مني..
نواف:انا لايمكن امل منك مجنون انا ولا مهبول ان قلت مليت منك..!!
ريما:الله يخليك لي....يالله اجل خلينا نطلع
نواف:استني شوي..حتى انا بروح اغير ملابسي..ابي اقلدك
ريما:ههههههههههه

تكشخ نواف ولبس فنيلة لونها ازرق وسماوي مخططه وبنطلون ابيض ولبس فوقه جاكيت ابيض رايق..وحط على خصل شعرهـ شوي جل طالع شكله جنااااااان..

يوم طلع..ريما تخبلت عليه..مسك يدها وطلعوا..!!

: : :

فيصل دخل على امه (العمة نورة)والهنوف وعبودي اخوهـ جالسين في الصالة..
فيصل:السلام عليكم..
الجميع:وعليكم السلام..
فيصل:يالله قوموا خلينا نتمشى من زمان ماتمشيت فيكم..
عبودي:الله من ذمان ما لكبت ثيالتك(الله من زمان ماركبت سيارتك)
العمة نورة:يالله الهنوف قومي جيبي لي عبايتي من فوق..
الهنوف:طيب بروح ركض قبل لايغير رآيه اخونا في الله
فيصل:هنوفوه عن طولت اللسان..روحي جيبي عباية امك احسن لك..
عبودي:يالله بثرعة لوحي تيعي كلام احوك الكبيل(يالله بسرعة روحي طيعي كلام اخوك الكبير)
الهنوف:بزارين آخر زمن!!
فيصل:ههههههههه بعدي والله اخوي..والله انك اخو رجال..
الهنوف:عشتوا قال اخو رجال قال.هههههههاااااااااي
فيصل:كلكم بتروحون الا هذي ..يأشر على الهنوف
الهنوف:لا تكفى فصيل خليني اروح..
فيصل:خوش والله وبعد تقولي فصيل هي وجهها
عبودي:علثاني خليها تلوح(علشاني خليها تروح)
فيصل:علشان عبودي بس
العمة نورة:يالله الهنوف استعجلي..

: : :

كانت غرفة نوف ظلام شديد مافيه غير نور الاباجورات الخفيف..متمددهـ على فراشها البارد..والافكار تروح تجي في مخيلتها..كانت تعتقد ان محمد خلاص مايبيها كل همه دارسته ولافكر فيها..ماتخيلت انها راح ترتبط بشخص ثاني غير محمد ولدعمها..لانها ماراح تنتظرهـ 8 سنوات..حست بحزن يقطع قلبها1111...لكن كبريائها فوق كل شيء ..كانت تقاوم,, تعاند,, تكابر....كانت توهم نفسها بان محمد مايبيها وانه مايستاهلها لأنه باعها ولافكر فيها..كرامتها فوق كل اعتبار..

راحت لمكتباها سحبت دفتر وجلست تخربش فيه خربشات..

عندما حان الفراق..

لن اتوسلك لكي تبقى!!
ولن ارجو منك التراجع عن هذا الموت الذي تعاقبني به (موت رحيلك.!!)

سأقف مكتوفة الأيدي كما يفعل الضعفاء والعاجزون عن مد يد العون لأنفسهم..وسأنتظرك لتأتي مرة ثانية إلى هنا(حيث قلبي)مضرج بخيبتك وملطخ بطين هزيمتك..

ولن اغلق باب قلبي في وجهك..لكنني لن أسمح لك بالدخول..!

يمكنك الأنتظار خارجاً حتى تحين ساعة العفو عنك..وربما لا تدور عقارب هذة الساعة ابداً..!!
كن مخلصاً لما تبقى منك في قلبي...ومنصفاً لما تبقى مني في قلبك..

كن رجـــــــــلاً وهذا يكفـــــــــــي!!....

سكرت دفترها..ونامت كانت بحاجة للنوم..علشان تهرب من التفكير في مصيرها وحبها لمحمد الي حكم عليه بالأعدام..

: : :

ريما ونواف رجعوا للفندق في وقت متأخر حسوا بتعب شديد بعد مشاوير اليوم..لانهم ماتركوا مكان ماراحوا له والاسواق والمطاعم والمنتزهات..على طول دخلوا غرفتهم وناموا..علشان يقومون وسيدا يروحون للمطار..!!

ريما مانامت زين..كان نومها متقطع..كانت مشتاقة بالحيل لأهلها..اول ماصحت راحت واخذت لها شاور..ورتبت شنطها وشنطة نواف وجهزت كل شيء..

نواف اول ماصحى كانت ريما منهمكة بترتيب الاغراض ..راح عندها ماحست فيه ..ومسكها من عند خصرها ..
ريما صرخت باعلى صوتها..!!
نواف مات من الضحك عليها..وعلى صرختها..ريما عصبت منه راحت وجلست بالصالون..زعلانه..راح نواف عندها يبي يراضيها
نواف: آسف وحقك علي..
ريما ساكتة وتضرب رجولها بالارض
نواف:يالله قلبو والله كنت بشوف وش تسوين!!
ريما تصد عنه..
نواف:افا الدعوى فيها صد..
راح وباس راسها..
نواف:اتمنى تكون البوسة راضتك
ريما بابتسامة عريضة:انا لايمكن ازعل عليك نواف..بس عصبت شوي
نواف:يعني راضية عني؟
ريما:ايه..
نواف:اشوى هذا اهم شيء..
جلس يطالع ساعته..
نواف:اووووف تأخرت..يالله انا بروح اخذ شاور ع الطاير تجهزي..اوكي بنروح للمطار..
ريما:اوكي انا من زمان جاهزة..

طلعوا للمطار وبعدين اقلعت الطيارة لروما..وجلسوا 6 ساعات في مطار روما كانت الطيارة فيها عطل..وبعدين رحوا من روما للبحرين ومن البحرين للرياض (لأن الطيران مزحوم......)وصلوا للرياض في وقت متأخر بالحيل..

نواف:الحمد لله على السلامة
ريما:الله يسلمك..يالله وانا اطالع من نافذة الطيارة مانيب مصدقة اني في اراضي السعودية..
نواف:واضح عليك كنت فرحانه..
ريما: نواف ماشوف احد استقبلنا؟وش السالفة؟
نواف:انا ماقلت لأحد
ريما:شلون؟
نواف:هههههه لابسوي مفاجأة للجميع..اللحين الوقت متأخر وماحبيت اضايقهم واخليهم يسهرون..والصباح رباح
ريما:وكيف؟ بنروح مع مين؟
نواف:تكسي..!!ومعي مفاتيح البيت وخلاص وخلصنا..حليتها..!!
ريما:ياسلام عليك..!!انت كذا هههههههه
نواف:ههههههههه

راحوا وقفوا تكسي..وركبوا فيه..وصلوا لبيت العم سعود....على وجهه الفجر...كان البيت ظلام واضح ان الكل نايم..دخلوا شوي شوي ومن غير محد يحس فيهم..صعدوا للجناح حقهم..!!ودخلوا الشنط بكل هدوء..

نواف وريما كانوا تعبانين من كثر مادخلوا من مطارات ومن طيارة لطيارة روسهم عورتهم..على طول ناموا..من التعب والارهــــــــاق..!!

الساعة 3 العصر..
ريما قامت بكل كسل تطالع الساعة ..
ريما:يوووة الساعه 3 ماحسيت بالوقت..
اخذت ريشــــة طاووس عندها..تبي تصحي فيها نواف..
نواف يضرب الريشة وهو نايم..ريما كانت تضحك على حركاته..
ريما:يالله حبيبي قوم الوقت تأخر يالله فشلة خلينا نقوم نسلم عليهم..
نواف:طيب يالله
ريما بعد ماحست بالنشاط من الشاور الي اخذته ولبست تنورة لونها ابيض ومطبوع فيها ورد ..ولبست بلوزة لونها اسود دانتيل ومع وراء كلها ازرار على شكل لولو..حطت كحل وروج ..وجعدت شعرها..وحطت فراشه لونها ابيض على الجنب..اخذت معاها جلال احتياط لما تشوف محمد

وهم على الدرج قابلو محمد ريما على طول تغطت محمد كان مصدوم
محمد:مين؟نواف ؟يمة جني!!<يستهبل
نواف:يالخبل وش جنيه..خوش استقبال
ريما كانت تضحك على حركات محمد..
محمد:ياهلا بالمعرس..حمد لله على السلامة..شخبارك ياريما..الحمد لله على السلامة
ريما:الله يسلمك..
نواف:امي وابوي تحت..؟
محمد:ايه..بسرعة الحق على ابوي قبل لايطلع للشركة..
نواف:صدق..يالله ريما

نزلوا نواف وريما للصالة وكان ابو نواف وام نواف..جالسين يسولفون..
نواف وريما:السلام عليكم
ابو نواف:نواف؟ريما؟ياهلا والله ومرحبا الحمد لله على السلامة ياعيالي...
نواف راح وباس راسه..الله يسلمك
ام نواف راحت وسلمت على نواف:الف حمد لله على السلامة..تو مانورت الرياض..
نواف:الله يسلمك يالغالية..منورة فيكم..
ابونواف:الحمد لله على السلامة ياريما
ريما جت وباست راسه:الله يسلمك عمي..
ام نواف راحت وحضنت ريما :الحمد لله على السلامة..متى وصلتوا؟وليش ماقلتوا لنا؟
ريما:الله يسلمك خالتي..والله ياخالتي حبينا نسوي لكم مفاجأة
ام نواف:والله خوش مفاجأة..بس كان قلتوا لنا..
نواف جلس جنب ريما..
نواف:والله يايمة ماوصلنا الا متأخرين وماحبينا نزعجكم..
ابونواف:لا يانواف المفروض اعطيتونا خبر..علشان نفرح فيكم..طيب كيف وصلت هنا وانت مامعاك سيارة؟
نواف:لا اخذنا تكسي..
ام نواف:هاه ياريما عساكم انبسطتوا؟
ريما:ايه الحمد لله..
ابو نواف:وشلونها ايطاليا؟
ريما:والله حلوة ياعمي..
ابو نواف:وش رايك نجدد شهر العسل يام نواف ..!؟
نواف وريما:هههههههه
ام نواف:ههههه والله ماهيب شينه
ابو نواف:هههههههههه
نواف:شخبار عمامي؟وعمتي نورة؟
ابو نواف:كلهم بخير..!!
ام نواف:والله لو انتم قايلين لنا انكم بتجون كان مسوين الليله عزيمة..بس يالله نخليها بكرى ان شاء الله..
ابو نواف:عسى ماتعبتوا؟
نواف:الا والله رحنا لكذا مطار ومن طيارة لطيارة..تعبنا
ام نواف:الله يعين..!!

محمد طق الباب علشان يدخل..ريما على طول تغطت..دخل محمد..
محمد:السلام
الكل:وعليكم السلام..
محمد:انا اقول الرياض منورة ليش؟طلع اخوي وحرمتة منوريناها..ياحي الله نواف وريما
نواف:هههههه الله يحيك..هاه قولي وش صار على تسجيلك؟
محمد:ابشركم قبلوتني الجامعة الي ابيها في كندا
نواف:زين والله ع البركة..اجل سوي لنا حفلة بمناسبة قبولك
محمد:بس الحساب عليك هههههههههههه
الكل يضحك عليه..
ام نواف:مدري وشوله يروح ويتغرب كن مافيه عندنا جامعات..!!وش رآيك ياريما؟
ريما:مادامه له رغبه في الجامعة الي برى المفروض يروح لها..وبعدين التخصص الي يبيه نادر مانحصل شباب معاهم هذا التخصص..وان شاء الله راح يجي كل ماسمحت له الفرصة عطلة او مناسبة وكلنا عندك ياخالتي اذا سافر..
محمد:صح لسانك يامرت اخوي..يايمة التخصص الي احلم فيه من كنت صغير مو موجود عندنا في المملكة..
ام نواف:طيب اختار أي تخصص ثاني
محمد:اشوف يمة توني اصير غالي عندك؟ياليتني من زمان قايل لك ابي اسافر علشان اشوف كل هالغلا!!
ام نواف:والله انك انت ونواف عيوني..بس ماودي تروح
نواف:اتركيه يمة..كل واحد وميوله..يعني هو ماراح يسافر يلعب راح يدرس ويجيب معاهـ شهادة يرفع راسك فيها..ومثل ماأنا سافرت وتغربت هذاني رجعت ولله الحمد..هو ان شاء الله راح يسافر ويرجع لنا..خليه يشوف مستقبله..!!لاتحطمينه
ابو نواف:هذا الكلام الصح!!صادق نواف..
محمد راح وباس راس نواف:وينك عني من زماااان يابو سعود!!
نواف:هههههههه الله الله على المصالح
ام نواف:كيفه براحته..

نواف جاب الاكياس الي فيها الهدايا وحطها عند ريما..وطلعتهم ريما واعطوا ابو نواف وام نواف ومحمد..
ام نواف:والله كلفتوا على نفسكم..
ابو نواف:انتم رايحين شهر عسل المفروض ماعذبتوا انفسكم..
ريما:لا كلافة ولاشيء..والله تستاهلون اكثر من كذا
ام نواف:تسلمين يالغالية..
نواف :وهذي هدية محمد..
محمد:ياسلام والله انها روعة..!!غريبة ذوقك نواف؟
نواف:لا ذوق ريما..
محمد:اييه انا اقول وش هالزين..مو ذوق نواف البايخ..
نواف:طيب يادب الشرهه مو عليك علي انا الي جايب لك..
ريما:ههههههههههه
ام نواف:لا تستغربين ياريما ترى بتتعودين كل يوم كذا..
ريما:ياحليلهم هههههههه

نواف:يالله احنا نستأذن بروح اودي ريما..لبيت عمي وبنسلم عليهم..
ام نواف:والله ياريما لو شفتي امك اش قد ولهانه عليك
ريما:حتى انا ياخالتي
نواف:عندنا وعندكم خير..وهذا وهي كل يوم تتصل عليها
ابو نواف:الله يخليكم لبعض..
ريما:يالله عن آذنكم

ريما ونواف صعدوا لجناحهم..ريما كانت مستعجلة على شوفة امها..

جلست تسوي ميك آب ع الطاير..نواف جالس يطالع في ريما من المرآية كانت حلوة بشكل..!! نواف راح لعندها وجلس قدامها..وهو يغني..

اطالع جمــــالك وعيني تشوف..ولا شفت مثلك في عيني محـــال..

احبك وقلبــــي بحبك شغوف...سحرني جمالك وذاك الـــــــــدلال..

ريما:يسلم هالصوت وراعيه....!!
نواف:الله يسلمك..
ريما:يالله نواف بسرعة خلينا نروح
نواف:اصبري مابقى شيء ع الاذان نصلي ونطلع
ريما:اووولله بقى على الآذان نص ساعة حرام عليك وش يصبرني؟
نواف:لدرجة هذي مشتاقة حق اهلك؟
ريما:وأكثر من كذا..!!
نواف:ياحظهم
ريما:ههههههه على ايش حظهم؟
نواف:على انك تشتاقين لهم...
ريما:لا شكلك مانمت كويس..
نواف:هههههه الا نمت ابشرك..


: : :

أول ماوصلت لباب بيتهم..وفتحت الخدامة لريما ونواف..جلست الخدامة تنط من الفرحة على انها شافت ريما وتسلم عليها بحرارة..!!

دخلت على امها وابوها الي جالسين بالصالة..ام ريما ماصدقت عيونها قامت من مكانها وراحت لريما وضمتها بقوة..وجلست تبكي..
ابو ريما:ياحي الله من جانا..الحمد لله على السلامة يانواف
نواف:الله يسلمك عمي..شخباركم؟والله اشتقنا لكم
ابو ريما:وحنا اكثر والله..ريما وانا مالي نصيب بالسلام؟
نواف: لازم الدموع؟
ابو ريما: بالافراح دموع وبالأحزان دموع!!
ريما راحت لعند ابوها وحضنته وباست راسه..
ابو ريما:الحمد لله على السلامة..تو مانورت مو بس الرياض الا المملكة بكبرها..
ريما:الله يسلمك يالغالي..ومنورة فيكم والله..
ام ريما:الحمد لله على السلامة نواف؟شخبارك؟
نواف:الله يسلمك .. الحمد لله..انتم شخباركم؟
ام ريما:بصحة الله يخليلك..متى وصلتوا؟وليش ماقلتوا لنا؟
نواف:ماحبينا نتعبكم..احنا وصلنا الفجر..
ابو ريما:تعبكم راحة..والله لو كنت عارف بموعد جيتكم كان من الصبح واحنا بالمطار
ريما:هههههههه..تسلمون
ابو ريما:شلون رحلتكم؟عساكم انبسطتوا؟
ريما:الحمد لله..والله إيطاليا روعة..
ام ريما:اشتقنا لكم بالحيل..
ريما:وحنا اكثر
ابو ريما:وانتم جيتوا دايركت من روما للرياض؟
نواف:لا والله ياعمي ..جلنا معظم المطاارات
ابو ريما:والله؟اكيد تعبتوا؟
نواف:والله مو ذاك التعب..
ام ريما:طيب من استقبلكم؟وكيف رجعتوا للبيت؟
ريما:احنا استقبلنا انفسنا ..ورجعنا بالتكسي
ام ريما:والله غلط الي سويتوه المفروض اعطيتونا خبر
نواف:خلاص ياخالتي المررة الجاية نعطيكم خبر
ام ريما:هههههه المرة هذي بتكسي بكرى في باص ترجعون
ريما:ههههههه..شلون امي هياء؟وخالتي ندى؟وخالي تركي؟
ام ريما:والله كلهم بخير..ومشتاقين لك وخصوصاً ندى
ريما:فديتها والله حتى انا اشتقت لهم

جلســـــــوا ساعتين معاهم..!!



نواف:يالله حنا نستئذن
ابو ريما:وين يابوك تونى!!
نواف:والله ياعمي تعرف ارهاق السفر وبكرى العزيمة يعني لازم نرتاح
ابو ريما:طيب تعشوا معانا..
نواف:الجايات اكثر ان شاء الله..
ام ريما:طيب خلي ريما شوي..مابعد شبعت منها
نواف:لا ياخالتي خلاص الريم ماعاد اقدر أصبر عنها..!!
ابو ريما:وين يخليها الله يهداك اللحين بنتك مرته..
ريما:هههههه يمة كل يوم بعون الله وانا عندك..وابي اجلس لما تشبعين مني وتقولين روحي خلاص لزوجك
نواف:هههههه وانا مستعد انا الي اوديها لك..يالله نترخص..مع السلامة
ريما باست راس ابوها وامها:مع السلامة
ام ريما وابو ريما:الله يسلمكم..


من بكـــــــرى الصبح..
نزلوا ريما ونواف تحت يفطرون مع الأهل..ابو نواف راح للشركة ومحمد ونواف جلسوا في الصالة...كانت ام نواف مشغولة بترتيب البيت للعزيمة حقت الليلة..ريما قامت تساعدها...



محمد كان جالس جنب نواف..
نواف:بالله تعال دلكني شوي..
محمد:وش قالوا لك فلبيني يعرف مساج؟
نواف:والله يمكن الي يشوف عيونك يقول كذا هههههههه
محمد:تضحك بعد انت وجهك..ماراح ادلكك
نواف:خلاص ولا تزعل..اساساً عيونك من كبرها كنها ساعات
محمد:هههههه امحق تشبيه ساعات هاه!!بس وين المكان الي يعورك؟
نواف:هنا..ويأشر على كتفة
محمد جلس يدلكه..


ام نواف:ياعمري روحي ارتاحي..العزيمة لك كيف تشتغلين
ريما:عاد مافيها شيء
ام نواف:حلفت روحي اجلس جنب زوجك
ريما:ياخالتي والله...
ام نواف قطعت كلامها:تراني حلفت عليك ياريما..العزيمة لكم وتروحين تساعدين بعدين الخدم كلهم راح يساعدوني..
ريما:والله ياخالتي بروح عن حلفك بس لا تتعبين نفسك..
ام نواف:تسلمين ياحياتي..اذا تبين راحتي روحي اجلسي انتي وارتاحي..
ريما:من عيوني ..
ام نواف:تسلم عيونك



ريما راحت للصالة وكان محمد جالس جنب نواف..
نواف:قم خل مرتي تجلس جنبي
محمد:والله انك سخيف ولا تسوى اللحين جالس ادلكك وحالتي حالة ويوم جت مرتك عفتني؟
نواف:شيء طبيعي..ريما تعالي جنبي اجلسي
محمد احترم نفسه وقام وجلس على الكنبه الثانية..ريما جلست جنب نواف
نواف مسك يدها:اشتقت لك..!!
ريما ضربت يدهـ
محمد:احم احم نحن هنا
نواف:ادري انك هنا..اجل هناك..
محمد:والله انك ماتستحي..
ريما:ههههه
محمد:بالله عليك ياريما انا شكلي شكل فلبيني؟
ريما ماتت من الضحك هي ونواف على كلام محمد
محمد:وراكم تضحكون؟
ريما:لا محشوم يامحمد..
محمد:اجل هالخبل زوجك يقول انت وعيونك كنك فلبيني
ريما:هههههه لاحرام عليك نواف
نواف غمز لها يعني امزح..!!
محمد:لا وش آخر شيء قاله يوم زعلت ..عيونك كنها ساعات من كبرها
ريما:ههههههههههههه
محمد:هههههههههه
نواف:هههههههه وانا صادق




ريما:تبون اسوي لكم شاي؟
نواف:والله ياليت!!
ريما:من عيوني..
نواف:تسلم لي عيونك..
محمد: ياهوووه تراني فيه
نواف:ادري انك فيه..وغاثني بعد..قوم انقلع
محمد:يازينها والله ابي اجلس على قلبك


ريما صلحت لهم الشاي وجلسوا مع بعض..محمد يستهبل على نواف..وريما بس تضحك عليهم..
محمد:الليله كل عمامي راح يجون؟
نواف:اكيد كلهم..!!
محمد:حتى الحريم
نواف:من تقصد يعني؟
محمدآآآ لا بس ماقصد شيء
نواف فاهم الموضوع:وحتى عمي طلال وزوجته وعياله راح يجون
محمد:ايه هذا اهم شي..عاد ماوصيك يامرت اخوي الله الله بزوجة عمي طلال..
ريما:وش معنى هي بالذات؟ فيه عمتي نورة راح تجي وامي ؟<على نياتها
نواف:لا ياريما هو يقصد مايوصيك على بنت العم بس نسى وقال زوجة العم
ريما:اهااا.ابشر ولايهمك
محمد:ماشاء الله عليه اخوي فطين!!ذكي يفهمها وهي طايرة
ريما:قول ماشاء الله!!لاتنظلة
محمد:ماراح يجيه عين هذا
نواف:هيه اذكر الله
ريما:لا حرام عليك اذكر ربك..
نواف:بعدي يامرتي تخاف علي والله انك ذيبه
ريما:ههههه تسلم..
نواف:وانت اذكر الله
محمد:ماشاء الله تبارك الله لااله الا الله.ههههه حتى ريما طلعت تخاف من العين مثلك.. وافق شن طبقة
ريما:ههههههه
نواف:اقول لايكثر كلامك ادوختني
محمد:تدرون عاد نفسي في تشيز كيك!!الله اشتهيته..!!
نواف:تشيز كيك؟
محمد:ايه تشيز كيك..
نواف:اذا تبي روح لمحل "تشيز كيك فكتوري"
محمد:اللحين مسكر..طيب مافيه بالبيت؟
ريما:ماعتقد يامحمد..!!
نواف:اقول فكنا..بعد شوي راح يجوننا الناس وانت تشيز كيك!!
محمد:وش دخل الناس بالتشز كيك؟
ريما:ههههههههههه



جت ام نواف وجلست معاهم..
محمد:يامرحبا يامرحبا نورك غطى ع الكهربا
ام نواف:مهبول انت!!
محمد:ايه مهبول فيك يالغالية
ام نواف:اقول فكنا منك..
ريما:خالتي تبين شاي؟
ام نواف:أيه اذا ماعليك امر والله ابيه يعدل راسي
نواف:سلامتك يمة..فيك شي؟
ام نواف:لا والله..تعرف امك اذا صار عندها شي
نواف:في هذي معك حق هههههه


: : :


ريما كانت واقفة عند الدولاب (الكبت) محتارة ماتدري وش تلبس من كثر الفساتين الي عندها!!


طلعت واحد احمر قصير وفيه قصات مع تحت..وحطتة على السرير..وطلعت واحد ثاني اخضر وفيه شرايط من الستراس وتكسيرات من قدام..وحطت الثاني على السرير وقفت محتارة ماتدري أي واحد بتلبس..

دخل نواف عليها وشافها واقفة عند السرير وتطالع في الفساتين..ريما اول ماشافت نواف ابتسمت..
ريما:جابك الله..
نواف:سمي يالغلا
ريما:حبيبي وش رايك أي واحد يصلح البسه الليله؟
نواف:انتي لو تلسبين مادري أي شيء طلع حلو عليك..مقيولة احلى من العقد لباسه
ريما:تسلم وكله من ذوقك..
نواف:بلاش الرسميات ديه!!
ريما:ههههه والله موب رسيمات بس كذا طبعي تعودت...المهم نرجع حق موضوعنا أي واحد برآيك البسة؟
نواف:البسي الأخصر..لان الاحمر مايبلس الا لي..
ريما:ياســـــلام؟!!
نواف:قلت لك..الا حمر ممنوع تلبسينه تحت..بس فوق وحقي
ريما خلاص استحت من كلامه..!!وتبي تضيع السالفة
ريما:وين ثوبك وشماغك..؟
نواف:توهم الخدامات كوهم لي..
ريما راحت وطلعت الثوب والشماغ..ومسكت معاها مبخرة وبخرت ثوب نواف وشماغهـ!!


جلست تسوي ميك آب حق سهرات كان شكله رايق اخضر وذهبي..!! ورفعت شعرها من النص ومع تحت ملفوف وجهزت طقم ذهب فيه ياقوت بالاخضر كانت متناسق مع الفستان الي راح تلبسة


دخلت الغرفة الي تغير في ملابس..
ريما:نواف حبيبي تعال شوي..
نواف:هلا؟
ريما:ممكن تسكر الفستان مع وراء؟
نواف:ابشري..
نواف حط يدهـ على خصرها..
ريما جلست تصرخ
نواف:هههههه وش فيك..
ريما:لا تكفى ماحب احد يلمس خصري..
نواف:ياسلام انا مو احد..انا نواف ياحرم نواف
ريما:سوري قلبي اكيد انت مو أي احد انت نواف الغالي
نواف:خلاص زعلت منك..
راح وجلس بالكنابات الي بالغرفة..راحت وجلست عندهـ تراضية..
ريما:مايهون علي زعل فوفو..!!وش يرضيك يابعد الدنيا
نواف:ابي امممممم اها111 بوسة؟
ريماوجهها احمر:اللحين؟
نواف:ايه..اللحين اللحين
ريما:بس حاطة روج..!!اخاف يطبع عليك!!هههههههه
نواف:هههههههه


نزلت ريما ونواف راح عند ابوه ومحمد في مجلس الرجال..وريما مع خالتها ام نواف..جت عمتها نورة والهنوف..ريما انبسطت لما شافتهم وسلمت عليهم بحرارة..وجت امها وجدتها هياء وخالتها ندى..ضمتها بقوة..وبعدهم جت ام عبد الرحمن ونوف..نوف لما شافت ريما على طول حضنتها وجلست تبكي..ريما تفاجأت من نوف وحركتها..
ريما:وش فيك نوفه حبيبتي؟
نوف:اشتقت لك بس
ريما:ماورى ال بس شي؟
نوف:لا ابد
ريما:خلاص بعد شوي راح اتفرغ لك..
ريما خافت ماتدري وش فيها نوف وليش هالكثر متضايقة وحست ان في فمها كلام وعيونها فيها حزن..!!


العمة نورة:وشلونها إيطاليا ياريما؟
ريما:والله ياعمتي خيال..
ام عبد الرحمن: عساكم رحتوا لفينيسا؟يمدحونها
ريما:أي والله رحنا لها..الصراحة جنان ذيك المدينة
ندى:والله ماتوقعت هالكثر بنفقدك ياريوم..
ريما:الله يسلمك وانا بعد فقدتكم
الهنوف:الله اكبر فقدتينا؟
العمة نورة:من شاف احبابه نسى اصحابه
ريما:هههههه حرام عليكم
ام ريما:والله ماصبر عنها كل يوم اكلمها حتى فهد هاوشني وقالي اتركي البنت مع زوجها
الجدة هياء:الله يوفقكم ويسعدكم
ريما:آمين يايمة
ام نواف:حي الله من جانا..مابرك من ريما الي جمعتنا اليوم
ام ريما:تسلمين ياعيوني
العمة نورة:الهنوف من الصبح يالله بسرعة تأخرنا آخر مابه فيصل عصب منها قال بتودينا لهم الصبح انتي؟ كله علشان ريما
ريما:ياحياتي والله ياهنو تعرف غلاتها مايحتاج..
ام عبد الرحمن: ماشاء الله ياريما فعلاً قمر من حظ نواف والله..
ريما تفشلت من كلام زوجة عمها
ام نواف:أي والله مو بس من حظ نواف الا من حظنا كلنا ريما بنت ولا كل البنات
ندى والهنوف يتهامسون:اكشخ بدت الكنة تغطي علينا
نوف كانت تضحك وتبتسم بس ماتكلم كثير
ندى:نوف وش فيك؟تعبانة؟
نوف:بس راسي يعورني
ام نواف:تبين بنادول؟
نوف:لا مشكورة..مايحتاج..
ريما حاسة ان نوف مو طبيعية..بس ساكتة ماحبت توضح لهم..!!
العمة نورة:شخبار تركي يام تركي؟
الجدة هياء:والله بخير..
الهنوف كانت منصتة للكلام الي ينقال عن تركي
الجدة هياء:نفسي ازوج هالولد وارتاح كل عيالي تطمنت عليهم الاهو..!!وكل ماقلت له شيء..يقول يصير خير..
ندى وريما بس يطالعون للهنوف مما سبب لها احراج كبير..
ام ريما:هههههه شكل ولدك يايمة حاط في باله وحدة
الجدة هياء:ليته على كذا والله لأروح واخطبها له..بس خليه يتكلم..
ندى:قريب راح يتكلم..ان شاء الله..
العمة نورة:الله يعين من هالشباب,,
ام نواف:أي والله يام فيصل اللحين محمد راح يسافر يدرس برى ويتركني..يالله مدري متى بيجتمعون عندي عيالي كل ماجاء واحد راح الثاني..
ام عبد الرحمن: ايه اشوف عبد الرحمن ولدي اليومين هذي نفسيته ماهيب مررة وحالته حالة كله علشان محمد..
ام ريما:والله مافيه خوف عليه ماشاء الله يام نواف محمد ولد متربي وخلوق مافيه خوف عليه بعون الله..
ام نواف: ان شاء الله!!

ريما(اها عرفت ليش نوف متضايقة..ياحياتي يانوف ..والله مسكينة كاتمة بقلبها كل ذا..انا لازم اتكلم معاها احس ان نفسها تتكلم مع احد..بس مو لاقية ..)

ريما:نوف تعالي شوي ابيك فوق..
ندى:يالله الهنوف خلينا نروح معاهم..
ريما:ياسلام انا ماقلت بنات..قلت نوف
الهنوف:واحنا حرام عليك ؟انا اقولكم من تزوجت نواف خربت
ريما:لبى قلب نواف!!
ندى:عيب عليك مو قدامنا هالكلام قوليه فوق
ريما:هههههههههه يالله نوف
نوف:لا بجلس هنا
ريما:اقولك قومي معاي..
نوف:لا معليش
ريما راحت وجرت يدها:يالله ماعندي انا..
نوف قامت:اوكي

صعدت ريما ويا نوف لجناحها..!!
الهنوف:غريبة وش فيهم؟
ندى:انا اقولك وش فيهم..نوف متضايقة..وريما بتخفف عنها..
الهنوف:نوف من ناحية متضايقة متضايقة مدري وش فيها؟
ندى:ترى ريما ماتحب تشوف احد متضايق لازم تحقق معاه وش فيك وليش ومتى
الهنوف:ههههههه وانتي الصادقة لازم تحقيق..


: : :

عند الرجــــــــال...
ابو عبد الرحمن:هاه نواف وشلون العرس؟
نواف:والله شيء..انصح العزاب يتزوجون
ابو نواف:هههههههه
ابو ريما: ماشاء الله يعني تبي تزوجهم؟
نواف:والله ياعمي الي يبي الراحة والدلال يتزوج
ابو عبد الرحمن:ههههههههه

الشباب كانوا جالسين في آخر المجلس...


عبد الرحمن:شباب شوفوا معاي صورة في الجوال وحدة تهبل عليها عيون تذبح وشعر وطول وجمال يقولون مطربة لبنانية
فيصل:شوقتنااااا وينها؟
محمد:والله حلوة ..
فيصل:وش حلوة الا تذبح
عبد الرحمن:ههههههههه انا تخبلت عليها صدق روعة..
فيصل:نواف وش فيك ماتطالع للصورة..ولايعني تزوجنا وكبرنا؟
نواف:ليش اطالع في الصورة وانا عندي بختصار ][ أحلـــــــــــى ماخلــــــق ربي ][


: : :

في غرفة ريما..
ريما:نوف انتي مو طبيعية وش فيك؟
نوف:لا سلامتك مافيني شي
ريما:لاتكابرين..انا اعرفك وافهمك من عيونك..!!
نوف سكتت وكانت عيونها في الارض
ريما:علشانه راح يسافر؟
نوف من سمعت كلمة السفر حطت راسها بحضن ريما ونزلت دموعهاا..
نوف:انا محتاجة اتكلم مع احد ريما كنت انتظر متى تجين على نار..ابي افضفض لك ما ارتاح اتكلم لأحد غيرك..والله اعتبرك اختي الا ماجبتها امي
ريما:وانا بعد ابادلك نفس الشعور وانتي اختي الغالية ..تكلمي حبيبتي ريحي نفسك..
نوف: ياريما راح يسافر ويتركني..تخيلي بيجلس 8 سنين برى..وين الي يحبني؟الصراحة حسافة حبي له قبل
ريما:لا يانوف حرام عليك لاتظلمين الولد..
نوف:وش اظلمة ما اظلمة شوف عينك..راح يروح خلاص يعني تبيني انتظرهـ 8 سنين؟مستحيل..!!!
ريما:محمد مخطط على شيء..بس انا مو فاهمة وش يدور في باله..!!بس خليك واثقة ان محمد يحبك ويبيك ماراح يتخلى عنك..!!اصبري انتي
نوف:بنصبر ونشوف..
ريما:وش رايك بانه اليوم كان يتكلم فيك..
نوف:صدق؟ وش قال؟
ريما:قال ياريما ماوصيك على بنت عمي..
نوف:احلفي..
ريما:والله لاتتسرعين نوفة...وبعدين انا جاية من السفر ابي اشوف الكل مبسوط ومستانس مو كذا عاقدة حواجك وطفشانة..يالله خلينا ننزل لهم تلاقين ندى والهنوف على اعصابهم..!!!
نوف:هههههه يالله خلينا ننزل
ريما:ايه هذا الكلام الصح..ابي اشوفك دايماً مبسوطة ولايهزك شي وانا اختك..

: : :

ابو ريما:مادامنا كلنا مجتمعين بعد بكرى الكل معزوم عندي بالمزرعة..بمناسبة جيت نواف وريما با لسلامة..
ابو نواف:كثر الله خيرك..
فيصل:عساك على القوة يابو ريما..
نواف:ماله داعي الكلافة ياعمي..
ابو ريما:افا والله يانواف انت وريما عيالي وان ماسويت العزيمة لكم لمين راح اسويها..!!؟
نواف:تسلم ياعمي
ابو عبدالرحمن:بس يابو ريما المزرعة بعيدة وراح يروح نص الوقت على الطريق..
ابو ريما:ومين يقول اننا بنجلس بس يوم..انا عازمكم الاربعاء والخميس والجمعة..نبيكم تباتون عندنا..ونبي ننبسط وهذي مثل ماقلت لنواف وريما..وش رايكم؟
ابو نواف:والله ياحلوها المزرعة وجوها..على بركة الله..الاربعاء الاربعاء..
ابو عبدالرحمن:اجل يهون الطريق اذا الدعوى فيها جلسة 3 ايام
محمد:والله انك شيء ياعمي ...المزرعة من زمان عنها..
ابو ريما:هههه اهم شيء تنبسط يامحمد..
عبدالرحمن:ايه مشتاقين لها بالحيل ..
ابو ريما:لا وازيدكم من الشعر بيت حطيت فيها دبابات علشانكم
عبد الرحمن ومحمد قاموا وباسوا راس ابوريما..
ابو ريما:ههههههههه لوانا داري انكم بتفرحون هالقد كان من زمان حاط فيها دبابات..
نواف:ياعيني على المصالح..!!
فيصل:وربي يفشلون حبة الراس علشان دباب
نواف:هههههههههههههه
فيصل:ههههههههه

: : :

بعد ماتعشوا الرجال..
ابو ريما:يالله حنا نستأذن
ابو نواف:تونى الساعة بعدها ماصارت 11
ابو ريما: لا نخلي المعاريس يرتاحون

ابو عبد الرحمن:انا اقول وش فيه نواف كل شوي يطالع للساعة
نواف:هههههه لاحرام عليك ياعمي..

بعد ماصارت الساعة 12 بالليل الكل راح..
ام نواف:والله تعبت من رجولي اليوم
ريما:سلامتك خالتي..
ام نواف:الله يسلمك
نواف:يبي لك مويا وملح
ابو نواف:وين محمد؟
نواف:طلع مع عبد الرحمن..
ابو نواف:هالوقت؟
نواف:يبه عادي شباب ويحبون السهر..
ام نواف:الله يحفظهم..
نواف:يالله تصبحون على خير..ريما قامت معاهـ
ريما:تصبحون على خير...

ريما على طول بدلت ملابسها وجلست مع نواف..!!
نواف:اشتقت لك!!
ريما:وانا اكثر..
نواف:والله اليوم على اعصابي بس اطالع الساعة متى يروحون
ريما:ههههه
نواف:علشان اكحل عيوني بشوفتك..لدرجة ان عمي طلال لاحظ علي!!
ريما:ياحياتي
نواف بفرح كبير:انا؟
ريما:لا عمي طلال..هههههههههه
نواف:يانصابة ههههههه


: : :

نوف حست براحة يوم سمعت كلام ريما..و كان عندها أمل ان محمد لازال يحبها..بس تتمنى تلاقي تفسير للي يحصل ....

: : :

ريما قامت قبل نواف وجهزت ثوبه وشماغهـ..وبعدين صحت نواف علشان يروح دوامة ..
ريما:فوفو اصحى
نواف: حبيبتي خليني شوي
ريما: ولا ثانية يالله دوامك
نواف:كم ريما عندي..اللحين يالله قمت
ريما:تسلم لي يالغالي...

نزل هو وريما تحت يفطرون مع امه وابوه..

ابو نواف:وين محمد؟
ام نواف:توه ينام
ابو نواف:يالله على هالولد..ليله نهار ونهاره ليل
ريما:كل الي بعمره كذا..ماخذينها قاعدة اذا جت العطلة يقلبون نومهم
نواف:بس والله تعب وارهاق
ابو نواف:عاد من يقول لمحمد!!
نواف:الله يعين..يالله انا استئذن..تـأخرت على الدوام
ابو نواف:يالله حتى انا بروح للشركة..

الكل راح وبقت ريما وام نواف..بالصالة يسولفون ويدردشون

ام نواف:والله من زمان عن بنات خالتي الي في الكويت
ريما: عندك بنات خالة؟
ام نواف:ايه ثنتين وعندهم بنات وعيال اكبرهم بنت بعمر نواف..
ريما:والله توني اعرف بالسالفة
ام نواف:حضروا زواجكم انتي ونواف وعلى طول رجعوا للكويت ماطولوا
ريما:انا ذيك الليلة مرتبكة ومانتبهت لأحد
ام نواف:ههههههه مانتلامين.. ايه صحيح لاتنسين بكرى عزيمة ابوك في المزرعة
ريما:لا مانيب ناسيتها.. والله المزرعة روعة ابوي سوى فيها شغلات وتعديلات
ام نواف:ايه ماشاء الله مزرعتكم من أول وهي حلوة وشرحة وكبيرة ومتكتكه
ريما:متى راح نمشي لها؟
ام نواف:يقول ابو نواف الصبح يعني 10 او 11
ريما:زين..والله ان الطريق طويل
ام نواف: هو صحيح انه طويل بس ممتع تشوفين المزارع والحدايق على الطريق
ريما:أيه صادقة اشكالهم تفتح النفس..
ام نواف:يالله انا بروح فوق مانمت زين امس..ابي احط راسي ويمكن انوم
ريما:ايه بعد تعب امس وصاحيه بدري..الا على فكرة خالتي ماله داعي تصحين بدري..
ام نواف:وابو نواف ونواف من يجلس معهم على الفطور
ريما:انا... انتي ماتنامين شيء..وانا اساساً قايمة قايمة علشان نواف ..من بكرى لاتصحين بدري خلاص؟
ام نواف:مابي اتعبك يابنتي
ريما:ولو ياخالتي مافيه تعب ولا شيء
ام نواف:مشكورة يالغالية والله يجزاك خير ويريحك مثل ماريحتيني

ام نواف صعدت فوق لدارها..وبعدها ريما راحت ترتب غرفتها وتنظفها..

رن جوال ريما
نواف:هلا حبيبتي
ريما:هلا بك
نواف:نفسي اطلع اللحين من الدوام واجيك طيران ع البيت..
ريما:فوفو حبيبي انت صاحي..توك داومت وش تطلع؟
نواف:هذا الي ذابحني الدوام
ريما:مابقى شيء وتطلع..
نواف:ايه ...واحد جاء خلاص اكلمك بعدين..مع السلامة
ريما:لحظة لحظة نوااااااااف
نواف:خير؟
ريما:أحبــــــــــــــــك...
نواف:يعورني قلبي..
ريما:يالله سكر عيب
نواف:ههههههه يالله مع السلامة
ريما:ههههههه الله يسلمك..

: : :

الساعة 4 العصر الكل كان موجود في الصالة...باستثناء محمد الي كان نايم من الصبح..
ابو نواف: هذا لحد اللحين نايم
نواف:شفت كيف يبه..؟؟ولدك دب نوم
ريما:هههههه حررام
ام نواف:بسم الله علي ولدي اذكر الله..
نواف:ماشاء الله ماشاء الله..

دخــــــل محمد عليهم وكانت عيونه منتفخة من النوم..
نواف:جبنا سيرة القط جانا ينط
محمد:يالله صباح خير
ابو نواف:وش صباحوة؟قل مساء...طالع ساعتك
محمد:ولاتزعل يالغالي يالله مساء خير..
راح محمد وباس راس امه وابوه:وهذي بوسة راس علشان ماتزعلون
ام نواف:لازم تعدل نومك يايمة؟
محمد:ان شاء الله ولايهمك..

ريما قامت للمطبخ وجابت تشيز كيك..صلحته علشان محمد من امس ونفسة فيه..مع عصير فريش..اعطت ام نواف وابوهـ ونواف ومحمد
محمد:يمممممممممة تشيز كيك..انتي مصلحته؟
ام نواف:لا هذي ريما
محمد:والله انك ذيبه يابنت عمي ومرت اخوي..مشكووورة ياي تشيز كيك
ريما:الله يسلمك
ابو نواف:هههههه وش فيك كنك مفجوع؟
محمد:يبه من امس وانا اتمنى تشيز كيك وتقوم مرت نواف وتصلحة لي والله انك ذوق ياريما بس ربي بلاك بواحد مايعرف الذوق والاتيكيت
نواف:هيه وش قصدك؟ ياسلام تارك لك الذرابه والاتيكيت
ابو نواف: يامال العافية ياريما
نواف:طول عمرها الريم ذوق فديت قلبها..
ريما ضربت نواف على يدة
نواف ابتسم لها..
ام نواف:والله روعة الله يعطيك العافية
نواف قرب لأذن ريما وهمس لها:تسلم اليدين الي صلحتهم يا أحلى ما خلق ربي
ريما بصوت واطئ ومو مسموع:نواف مو وقته
نواف ابتسم لها..


: : :

ريما صعدت لقسمهــــــــا...وتتصل على ندى
ريما:هلا ندوش
ندى:هلا بك ريوم
ريما:اخبارك؟
ندى:تمام التمام..
ريما:زين..بكرى ان شاء الله راح تجون؟
ندى:ايه كلنا انا وامي وتركي
ريما:صدق؟زيييييين والله
ندى: جيبي معاك شيء للحفلة التنكر..
ريما:وش حفلته؟
ندى:ايه صح ماقلنا لك
ريما:يا سلام ومن متى ما تقولون لي يا لسخيفات
ندى:ههههه من يوم تزوجتي و رحتي لنواف
ريما تلتفت على نواف:من زينكم عندي نواف يا بعدكم كلكم
نواف ابتسم لريما الي ذابت من ابتسامته..طبعاً نواف انبسط على كلامها وراح عندها وحضنها مع وراء ..ريما ما كانت مع ندى
ندى:الوو ؟ ريما معاي؟
ريما:ايه معاك..وش السالفة أي حفلة؟
ندى:بنسوي حفلة تنكر انا ونوف و الهنوف و انتي..ونبي ننبسط ان شاء الله..
ريما:اوكي ابشروا..اجل نلتقي غدا ان شاء الله
ندى:ان شاء الله...يالفصحى..يالله باي
ريما:باي


الكل كان مشغول بترتيب الشنط..والاغراض ...

ريما رتبت اغراضها واغراض نواف..
نواف:ابي اساعدك
ريما:لا حبيبي روح اجلس انت وارتاح
نواف:مايهون علي اشوفك منهمكة بترتيب الاغراض وانا جالس
ريما:اذا تبي راحتي اجلس
نواف: عساني مانحرم منك ومن طيبتك..
ريما ضحكت له..ورجعت تكمل ترتيب الاغراض..

: : :

الصبح الكل كان جاهز..
ابو ونواف وام نواف الخدامات في سيارة ابو نواف..ومحمد في سيارتة..ونواف وريما في سيارة نواف..

في سيارة نواف...
كان مشغل اغنية أحلى ثنين

انت بحـــــري وانا اليم..يقــولون الي يقولون

انا بـحــــــبك متيم..خل الـحــــــــساد يموتون

انت في قلــبي غالي..لو عنك يســــــــــــئلون

انت بـحري وانا اليم..يقولــــــون الي يقولون..


ريما فتحت شنطتها وطلعت سلسالين من ذهب وكان فيه قلب مقسوم لجزئين ..
ريما:شوف حبيبي انا ابيك تتذكرني دايماً مابي اغيب عن بالك ولا ثانية..
هذا العقد ابي احطه لك في السيارة..
نواف:بس انتي معاي مو بس في كل لحظة الا في كل ثانية..انتي ما فارقتي ولا راح تفارقين خيالي..انتي معاي في كل مكان في عقلي وقلبي وروحي
ريما:فديت قلبك يالغالي..
ريما علقت العقد على المر آية الأمامية حقت السيارة
نواف:والقسم الثاني من القلب وينه؟
ريما: انا راح البسة..هذا قلبي مقسوم قسمين قلب معاك وقلب معاي..والله لايجيب الفراق بيني وبينك
نواف:آمين..
نواف كان مساك يد ريما..وباسها..

: : :

الكل وصل للمزرعة ....

آخر الواصلين نواف وريما...
ابو عبد الرحمن:يالله نواف وراك تأخرت؟
نواف:هههههه ياعمي ريما ماتحب السرعة..
ابو عبد الرحمن:وينك ياريما من زمان
ريما:ههههههه..يالله انا بروح عن اذنكم..

نواف:ريماااا ريماااا لحظة وقفي..
ريما:سم..
نواف:ايش تقسيمهم؟
ريما:الفيلا الكبيرة للحريم..والفيلا الصغيرة للرجال..
نواف:ماشاء الله.!!ماعلي منهم انا وانتي راح يكون لنا غرفة مستقلة
ريما:هههههههه وش تقول انت!!وطي صوتك لا يسمعون
نواف:خليهم يسمعون..انا بروح اشوف وش الحل
ريما:نواف لاتكفى ههههههه
نواف:وتضحكين بعد؟ماعلي بقولهم انا ماصبر عن حرمتي
ريما:احسن علشان اشوف تشتاقلي ولا لا؟
نواف:ياسلام !!
ريما:ياسلام عليك
نواف:هههههههه انا بحاول فيهم لعلى وعسى يسمحون لي
ريما:اوكي واعطيني خبر..!!
نواف:ابشري..

ريما راحت للحريم..وسلمت عليهم..
ام ريما:وينكم تأخرتوا؟
ريما:لا ما تأخرنا ولا شيء..ماحب السرعة بالسواقة ونواف يمشي على شوي شوي
العمة نورة:لا يكون فيه نونو بالطريق وخايف عليه..!؟
ريما ارتبكت :هاه لا تونى !!
العمة نورة:وش توكم الحين بتدخلون الشهر الثاني من زواجكم..ترى مشتاقين للبزارين
ريما استحت وجهها صاير احمر..
الجدة هياء:الي مكتوب ان شاء الله راح يصير يام فيصل
ريما:يمة غرفتي راح ننوم فيها احنا والبنات اوكي؟
ام ريما:براحتك..

صعدوا البنات مع ريما وجلسوا في غرفتها كانت روعة بناتية بشكل..لونها وردي فاتح بفوشي والنوافذ تطل على المزرعة وفيها سرير وغرفة لتغير الملابس

نوف:انا راح انوم بالسرير
ندى:وانا بعد وريما والهنوف ينامون بالارض
الهنوف:والله حبيبتي انا ماعرف انوم الا على السرير
ريما:خوش الحلال حلال ابونا والقوم طردونا..لا انتي ولاهي انا الي راح انوم عليه وانتم بالارض ..عاد الا اذا بتحلون الازمة واحدة تجي وتنوم عندي..
نوف:اناااااا
ندى:لا حبيبتي انا خالتها وانا الي راح انوم معاها
الهنوف شهقت:اهـــــئ لا انا بنت عمتها الوحيدة واخوي صديق زوجها
ريما:اذا الدعوى فيها نواف خلاص الهنوف راح تنوم وياي
نوف:ياسلام؟
ندى:لا عاد ؟
الهنوف:الحمد لله والشكر ياليت من زمان قايلة نو1111ف
ريما:ههههههههه..انا عندي حل امثل لكم..احنا بنجلس في المزرعة 3 ايام كل لليلة تنوم معاي وحدة منكم والثنتين يجلسون بالارض..وش قلتوا؟
ندى+الهنوف+نوف:اووووكي!!
ندى:انا أول لليلة!!
نوف:انا ثاني لليلة..
الهنوف:وانا مسك الختام..ههههههه
ريما:هههههههه ياعيني على الثقة..ذكرتوني بالحاج متولي ههههههههه
ندى:ههههههه
نوف:ههههه ايه صح نفس الطريقة ههههههههه

: : :


عند الرجال
نواف:وشلون الوضع؟
ابو نواف:أي وضع؟
نواف:يعني كلنا راح ننوم وين؟
ابو ريما: انتم يالشباب في غرفة..واحنا في الغرفة الكبيرة
فيصل بصوت واطئ:هههه لاتحاول مافيه ريما
نواف:اقول انطم
فيصل:ههههههههههه
محمد:وش فيك ضحكنا معاك؟
فيصل:المهندس مايبينا يبي زوجتة
تركي:خوش والله يعني ماحنا مالين عينك..ولا بس ريما.!!
فيصل:شفت كيف ياتركي..
نواف:محشومين الا والله ماليين عيني بس توني متزوج..حرام والله
ابو عبد الرحمن:ههههههههه امداك تشتاق لها؟
نواف:ليش لا مو زوجتي؟ وبعدين احنا عرايس المفروض نكون مستقلين عنكم
ابو ريما:ههههههههه علشان تشتاقون لبعض
ابو نواف: اجل دام الدعوى فيها استقلال خلاص انا بعد ابي ام نواف ههههههههه
نواف:هههههههههههه لا بس يعني احنا تونى في شهر العسل
عبد الرحمن:وش شهر العسل اللحين بتكملون سنة على زواجكم وتقولي شهر عسل
محمد:ههههههههه صح لسانك ياعبيد
عبد الرحمن:تسلم ياولد عمي
فيصل:مالك الا انا وتركي
تركي:لا تحاول يانواف احمد ربك الي انا وفيصل قلنا مانبي الي مايبينا
نواف:هههههه لا عاد كان اروح فيها..!!

: : :

العصر تمشوا البنات في المزرعة..وريما المرشد السياحي..
الهنوف:والله فلـــّه ترى لحد اللحين مانيب مصدقة اننا سوى وراح ننوم هنا
نوف:أي والله حتى انا..
ندى:ههههههه احنا في حلم ولا علم؟
ريما:ههههه تبون كل وحدة اعطيها بكس علشان تصدق
نوف:لا تكفين فكينا هههههه..

تركي كان مع عبودي اخو الهنوف يلعبه..تركي يموت على الاطفال...بشكل لا يوصف..وخاصة اخو الهنوف عبودي يهبل دبدوب وفيه غمازات وكلامة جنان يدخل القلب..تركي كان طالع يتمشى برى هو وياه.. شافوا البنات عبودي اخذ يجر يد تركي وراحوا للبنات

البنات كانت ريما ونوف وندى مع بعض والهنوف قدامهم تمشي يعني تمشي على وراء ماتشوف الي وراها..

قرب تركي وعبودي يصارخ ..نوف تغطت..
الهنوف:يالخبلا تغطين عن بزرهذا عبودي هههههههه
نوف ساكتة ماتدري وش تقول تركي كان ورى الهنوف..ندى وريما ميتات من الضحك..تركي حس ان الهنوف ماتعرف شي وراح يسون فيها مقلب.
تركي:احم احم
الهنوف التفت وعينها طاحت بعين تركي..انصدمت على طول تغطت بجلالها..
عبودي:تلكي هدي اختي الهنوف دايماً تهاوثني (تركي هذي اختي الهنوف دايماً تهاوشني)
الهنوف خلاص ماتت من الحياء ودها تمسك عبودي و تذبحة..!!
تركي:افا يالهنوف وراك تذبحين عبودي..؟ ترى ماسمح لك..
الهنوف (من انت تسمح ولا ماتسمح)
ندى:ايه عادي الهنوف كذا طبايعها..
ريما:لا حرام عليكم كل شيء ولا هنو مافيه مثلها بنوتة ولا كل البنات..
تركي:ماشاء الله ليتها تعطي ندى شوي..
ندى:ليش وش قالوا لك وحش؟
تركي:هههههههه عبودي هذي اختي ندى دايماً تهاوشني...
البنات جلسوا يضحكون على كلام تركي كان يقلد كلام عبودي..
تركي:يالله عن اذنكم..والهنوف انتهبي لورى مرة ثانية!!
الهنوف(وش دخلك؟)
راح تركي وعبودي..!!
ريما: ماشاء الله وش الاهتمام الزايد بالهنوف وش عنده ابو تروك؟
ندى:يمكن مطيح مع بنت الناس
نوف:ايه كل هالحرص وش تفسيرة؟
الهنوف:خلصتوا كلامكم؟
البنات:ايييه
الهنوف:يالسخيفات ماقد شفتكم تفسرون شيء مضبوط..!!وبعدين وش هالكلام البايخ انتي وياها..ترى مرة ثانية بزعل لو قلتوا كذا!! فاهمات؟
البنات:ابشري..


رجعوا البنات للحريــــــــم..
ريما:ياناس وين القهوة؟ تخيلو بنات اليوم ماشربت قهوة ابدا
الهنوف:ليش هي مويا لازم تشربينه..
ريما:انا والقهوة قصة عشق
ندى:ونواف وين راح؟
ريما:تدرون اني انا ونواف كلنا نعشق القهوة
نوف:هههههههه وافق شن طبقة
ريما:هههههه تصدقين عاد محمد يقولها دايماً لي انا ونواف "وافق شن طبقة"
نوف سكتت وجلست تطالع في ريما ودها تذبحها (لازم تذكريني فيه؟!!)

رن جوال ريما وكان نواف..
ريما كانت تشرب القهوة وشرقت وجلست تكح
ام نواف:وش فيك ريما؟
ام ريما:عسى ماشر؟
ندى:ههههههه لابس نواف الي اتصل
ام ريما:هههههه الله يقطع ابليسك ياريما خوفتيني..
العمة نورة:اكيد نواف الي اتصل


ريما قامت من عندهم..
ريما:الو
نواف:اشتقت لك موت
ريما:شرقت توني والسبب انت
نواف:افااا والله وانا ولد ابوي شلون؟
ريما:لا فاتك كنت اشرب قهوة وانت تتصل علي فاشرقت والعالم كلها تتريق علي كل هذا علشان نواف..عاد انا اقول ايه كله علشان نواف
نواف:يابعدهم والله..اقول تعالي انا عند باب الفيلا ابي اشوفك
ريما:اللحين..؟
نواف:ايه ..مشتاق لك ميت عليك..
ريما:ههههه اوكي شوي واطلع لك..


ريما راحت لغرفتها وجلست تعدل ميكياجها وكانت لابسة بنطولون جينز وبلوزة سترتش لونها اصفر على جسمها ورفعت شعرها ورفعت غرتها بمشبك أصفر فيه كريستالة..
تعطرت ونزلت لنواف الي كان مستناها على نار..

نواف:وينك تأخرتي؟
ريما:ماتأخرت ولاشي بس انت تحب تبالغ كلها دقايق
نواف:ايه الدقايق كنها شهور وسنين عندي
ريما:آسفة وحقك علي!!
نواف:هاتي يدك
مدت ريما يدها مسكها وهم يتمشون يسولفون ويضحكون..
ريما:نواف تعال ابي اوريك آخر المزرعة مسوية حديقة للورد
نواف:انتي وردة حياتي..
ريما ضربت كتفه:ههههه ياسلام على كلامك ..
نواف:انت كلامي ماينقال الا للغالين
ريما:ليش لايكون قد مرة انقال لغيري؟
نواف:هههههه لاحشاء بس انتي انتي اغلى وحدة بالكون..
ريما ابتسمت له..راحوا للآخر المزرعة

كانت حديقة كبيرة وكلها ورد بجميع الوان أي لون وأي نوع ريما زرعته..
ريما:وش رآيك؟
نواف:روعة يعني انتي تسوين شيء ولا يعجبني..
ريما:لا بصراحة وش رآيك فيها
نواف:والله تحفة يعني اجمل مكان في المزرعة ماشاء الله عليك..بس ناقص لو تكوني مع الوردات هذولي لان الورد دايماً مع الورد
ريما:نواف وبعدين معاك؟
نواف يغني:ياورد من علمك تجرح الجرح ماهو من اطباعك...!!
ريما:هههههههه سوري يالغالي
نواف:ممكن آخذ وردة؟
ريما:اكيد انت تآمر عليها
نواف:تسلمين
راح واخذ وردة لونها أصفر كانت روعة وريحتها جنان..راح وسحب المشبك من شعر ريما وشبك الوردة بشعرها..
نواف:ياسلام اول مرة اشوف وردة شايله وردة شلون تصير هذي؟

ريما حطت راسها على صدر نواف..نواف راح وضمها..

جت مها وعبودي الصغار وقطعوا الجو الرومانسي..
نواف:وهذا وقتهم؟
ريما بعدت عن نواف..
ريما:ياهلا ومرحبا بمهويه وعبودي
نواف:وبعد تهلين وترحبين فيهم؟
ريما:ههههههههههه
مها:نواف ليس ماسك ليما كذا..عيب عليك (نواف ليش ماسك ريما كذا..عيب عليك)
نواف:هههههههه حلوة هذي.. ريما زوجتي...كيفي؟؟
عبودي:انتي وث دخلك(انتي وش دخلك)
نواف:والله انك رجال ياعبيد تعال اشيلك
نواف شال عبودي بين يديه
ريما:حرام عليكم كل شيء ولا مهويه تعالي انا اشيلك..
مها:مثاكين هذي ليما لاح تثيليني (مساكين هذي ريما راح تشيلني)
نواف:ياحظك يامها ..مو حظي..تبادليني؟
ريما:ههههههه يالله اللحين وقت العشاء قوم تعشاء تلاقي الرجال ينتظرونك
نواف:اوكي باخذ عبودي معاي اعطي عمتي خبر لاتخاف عليه..
ريما:ابشر يالغالي..


رجعت ريما ومعاها مها..دخلت على البنات الي كانوا جالسات بالدكة (جلسة مرتفعة وفيها لمبات برى الفيلا عند الشجر والنخل)

ريما:السلام
البنات:وعليكم السلام
نوف:من شاف احبابه نسى اصحابة
الهنوف:خلاص ريما باعتنا
ندى:ايه هذا نواف مو أي احد
ريما:انتم غاليات بس مو قد نواف
الهنوف:طيب يالدبى ..
قامتت الهنوف تبي تضربها.)
ندى:حاسبي حاسبي الحرمة يمكن تصير حامل..
ريما:هيه تو الناس وش هالكلام
نوف:هههههههههه
الهنوف بتقهرها:ايه صح نسيت..عاد ريما وش تبين ولد ولا بنت
ريما:انا اقولكم الهنوف ماهيب صاحية اليوم,,يابنت عمتي مانيب حامل والله
الهنوف:طيب نفرض انك حامل وش تتمنين؟
ريما:اقول تفرضين ولا ماتفرضين قومي تعشي شكلك جوعانة
ندى:ههههههههههههه
نوف:ايه تأثير الجوع

قاموا البنات يتعشون وبعد الشعاء طلعوا برى بالدكة يسولفون...
ام نواف:والله امس ريما صلحت لنا تشيز كيك ياخذ العقل
الجدة هياء:ايه ريما فنانة مطبخ الله يحفظها
نوف:يا1111ي تشيز كيك..كان جايبة لي معاك
ريما: محمد طلبه من قبل امس ورحت صلحت له..
الهنوف:ايه تفنن عند حمولتها واحنا مالنا بالطيب نصيب..!!
ندى:ايه بتطلع المهارات قدام نواف
ريما:وش فيكم علي..ايه يستاهل مو زوجي ليش ماصلح له..؟!!
ندى:هههههههه عصبت
ريما:ياسلام مابقى الا هي اعصب من حضراتكم

لما صارت الساعة 1 بالليل الحريم ناموا مابقى الا البنات..
ريما:ندوش شخبار ماجد؟
ندى:الي اسمع من خواته وتركي انه تمام
الهنوف:غريبة ندى ماتكلمينه؟
ندى:لا ماحب المكالمات قبل الزواج..
نوف:اعتقد انه عادي انتي اللحين زوجتة خلاص!!
ندى:ايه عارفة بس انا مانيب مقتنعة بالفكرة اساساً
ريما:براحتــــــــك!! بنات قوموا نصلح قهوة فيه ونجيب معاها حلويات وشاكلت
الهنوف:يالله اهم شي الشاكلت..
نوف:تكفين ريمو انتي صلحي القهوة يازينها قهوتك..
ندى:ايه صادقة نوف
ريما:من عيوني...

صلحت ريما قهوة وجابت الحلويات والشاكلت..
ريما:بنات حرام الشباب مانعطيهم؟
الهنوف:من زينهم علشان نعطيهم..تلاقينهم لو عندهم مافكروا فينا
نوف:والله مايستاهلون
ندى:ياغبيات افهموها..هي ماتقصد الشباب تقصد نو111ف
ريما:هههههه ايه نواف يحب القهوة..ابي اتصل عليه

ريما:هلا فوفو لو سمحت ممكن ترسل احد الشباب يجي
نواف:ليش؟
ريما:صلحت قهوة..وحبيت تذوقها..
نواف:ياسلام عليك...انا اجي ليش ارسل احد
ريما:لا مابيك تتعب..خل احد الشباب يجي
نواف:ههههههه ابشري اللحين ارسل عبد الرحمن هو يموت بالقهوة مثلي اذا قلت له فيه قهوة راح يجيك طاير ماتشوفين الا غباره وراه
ريما:ههههههههههه
نواف:اللحين لو يدري ان القهوة عندكم .. يهــــجم عليكم وكنه في حرب ياذابح يامذبوح
ريما:ههههههههههه
نواف:فديت الضحكة ماحلاها..
ريما:يالله يالغالي انا بروح للبنات..تبي شي؟
نواف:سلامتك ورضاك ..

ريما رجعت ميته من الضحك
الهنوف:ضحكينا معك
ريما:نوف عبد الرحمن يحب القهوة؟
نوف:وش يحبها الا يموت عليها..اخوي مدمن قهاوي
ريما:هههههههه ايه يقول نواف لو بقول فيه قهوة عند البنات يهجم عليكم كنه في حرب
نوف:هههههههههههه وهو صادق
الهنوف:سبحان الله اجل ماحبها بالحيل
ندى:ايه مثل تركي مايحبها مو طالع علي ولا على ريما ههههههههه!!


طق الباب..
نوف:هذا اكيد عبد الرحمن قلت لك راح يجي طاير ..
ريما:هههههههه ياحبي له
اخذت نوف القهوة وعلبه الشاكلت وراحت تفتح الباب
نوف:هذي القهوة تفضل
نوف جمدت في مكانها ماكان عبد الرحمن الي قدامها كاااااااااااان














"محمد"

نوف طوالي تغطت بالجلال
نوف:وين عبد الرحمن..؟
محمد:عبد الرحمن مشغول شوي

نوف نزلت القهوة بالارض وراحت..حتى ماعطته اياه بيده..
محمد:نوف نوف استني
نوف وقفت..
محمد:عرفتي اني راح اسافر..!!
نوف غمضت عيونها (تبشرني يعني؟ فرحان؟)ظلت ساكتة ماتكلم
محمد:ردي
نوف:ايه عرفت...
محمد:مافيه شيء نفسك لو تقولينه قبل ما أسافر
نوف ظلت ساكتة شو ي..محمد كان مبسوط...على باله بتقولة احبك!!
نوف:تروح وترجع بالسلامة..
نوف راحت وتركتة وهو يناديها مشت وطنشتة ولا اعطتة خبر..حس بحزنها بس تكابر.. راحت للبنات وكانت عيونها حزينة


الهنوف:وش فيك ؟وش قالك اخوك ؟
نوف:هاه ماقال شيء اصلاً ماهوب عبد الرحمن الي واقف..
ريما بإندهاش:مين اجل؟
نوف: هذا نواف..
ريما:وش تقولين؟ ليش؟من متى واقف؟ وشلون هو ماقال لي شي
ندى:هههههههه اعصابك ريمو شوي شوي
نوف:هههههههه أمزح والله..هذا ياطويلة العمر حماك..!!
ريما:محــــــــــــمد؟ وش قالك؟
نوف:ههههه ماقال شيء اعطيته القهوة وراح..عبد الرحمن مشغول شوي..

: : :
محمد كان يفكر وش فيها..انا ماسويت لها شيء..ليش تعاملني بهذا الاسلوب السخيف..متوقع انها راح تستقبلني بأحسن من كذا..بس هين يانوف ان شاء الله انا وراك وراك والزمن طويل
رجع للشباب..واعطاهم القهوة..الكل يتشكر لنواف علشان ريما الي مصلحة القهوة وهي الوحيدة الي فكرت فيهم..

نواف:محمد تكفى غني لنا..انت احسن صوت فينا
فيصل:ليش وش الاهانة الموجهه كنك تقصدني
نواف:وانا صادق انت صوتك نشاز لو بيسمعك احد المطربين وانت تغني اغانيهم اعتزل الفن نهائياً
تركي:هههههههههه
عبد الرحمن:آي بطني كركركر مسكين
فيصل:تكفى يامخاوي الليل"خالد عبد الرحمن"
محمد:خلاص ابشروا راح اغني بس على شرط..فيصل الي يختار الاغنية
فيصل:بعدي والله..
نواف:اللحين امدح فيك لي ساعة وبالاخير فيصلوة هو الي يختار الاغنية..امحق ذوق عاد..
فيصل:سلم لي ع الباذنجان ياخويا
نواف:ههههههههههه
تركي:نبي شيء رايق مانبي هبال
عبد الرحمن:ايه يالله حمّود
محمد:آمر تركي وش تبي يادكتور.
تركي:ههههه بدون دكتور شيل الرسميات
محمد:ابشر ولايهمك..وش تبي يابو تروك
تركي:ياليت لو تسمعنا القلوب الساهيه
عبد الرحمن:ونعم الاختيار
محمـــــد كان صوتة راقي وهادئ فيه عذوبة والوحد ينسجم معاهــ لابعد مدى..


حسبت اشواقنا غابت واثاري الشوق تو مابان..واثاري بقلبي الساهي حنين لك بعد
باقي..

انا ماكنت احسب ان القلوب الساهيه تشتاق..ولا كنت احسبك في يوم تجي وتحرك اشواقي..

سهيت بصفحة كتابي لقيتك بأول الاوراق..انا لاهي مع كتابي لقيتك كلك
اوراقي..

الا ياحبي الأول الا ياغايتي مشتاق..هقيت مانت في قلبي واثرك داخل
اعماقي..

اهلي بك من الفرحة..اهلي بك من الاعماق..حسبتك مانت في بالي واثرك مالك
اشواقي..

تركي:يسلم الصوت..
نواف:والله روعة
فيصل:خلاص انت مطربنا يعني كل شوي راح ننشب بحلقك
محمد:انتم تآمرون
عبد الرحمن:ايه يستاهل خلينا نغثة قبل يسافر ويتركنا
محمد:ههههههههه

: : :

الهنوف:بنات وش رايكم نلعب دبابات؟
ريما:اللحين؟
الهنوف:ايه وش فيها.؟
نوف:مجنونه الهنوف ترى الساعة 5 الصبح
الهنوف:احلى واحلى
ندى:يالله خلينا نروح
ريما:انهبلتي انت وياها..
ندى:ايه صح سوري هنو كان نفسي اركب معك بس لو شافني احد من عيال خوالك فشلة..وبعدين لاتنسين اني انسانة مخطوبة لازم اعقلك واصير ثقيلة هههههههه
نوف:ههههههههه ياعيني على الثقال
الهنوف:هههههه الكل يعقل الا انتي..اقول قومي معاي واتركي الخرابيط
ريما:الهنوف اللحين الكل نايم امي وابوي والحريم لو راح يصير فيك شيء؟
الهنوف:لا تفاولين علي..مو صاير شيء ان شاء الله ..
ريما:بسم الله عليك ماقلت شي بس الكل نايم يعني؟؟
الهنوف:فيصل موجود
نوف:اجل استئذني منه وانا اروح معاك
الهنوف:بايعة عمري علشان يجي ويذبحني..تكفون بنات..ترى بروح لحالي
البنات:روحي..
الهنوف:تتحدوني يعني؟
البنات:ايه
الهنوف:طيب...

: : :
تركي:ياسلام الجو حلو خلونا نطلع نتمشى..
نواف:انا ابي انوم طالعوا الساعة حرام عليكم
فيصل:ياحبك للنوم اقول قم لاحقين على النوم
عبد الرحمن:والله انك صادق..
محمد:عبيد قوم باريني في البلاي ستشين نبي نلعب كورة
عبد الرحمن:طيب بس انا تراني مع الطليان ابطال العالم
محمد:اوكي وانا مع السامبا
تركي:يعني محد طالع معاي..كيفكم انا بتمشى شوي والله الجو يساعد
فيصل:ماحب امشي انا ياتركي
نواف:تركي هما السودان قريبة نرسل بعض الناس
تركي:هههههههه

تركي طلع يمشي وكان المنظر حلو السماء زرقاء بقوة الشمس شوي وتشرق واصوات العصافير في المزرعة جنان..راح يمشي بأول المزرعة..كان يسمع صوت بس مايدري ايش..؟

.الدباب كان بأول المزرعة بعيد بالحيل الهنوف كانت خايفة بس تحدوها البنات وهي عنيدة لازم تركب..شغلت الدباب ودعست عليه وجلست تمشي فيه..كانت خايفة بشكل..الفجر بداء يطلع ومرعوبة لا يشوفها فيصل..

تمشي قدامها ودعست بقوة على الدباب وكان قدامها حجر كبير مانتبهت له وطت عليه بالدباب وانقلب عليها وطاحت..
تركي شاف الهنوف لما تنقلب مايدري من هي..راح يركض لها خاف عليها ..


الهنوف كانت تصيح رجلها التويت وتعورها بشكل فظيع..ومنظر الدم خوفها اكثر..
تركي:سلامات وش صاير
الهنوف حطت الطرحة على راسها:تركي تعورني رجلي آي آي
تركي:سلامات..ممكن شوي اشوف لاتكون كسر
الهنوف:يامامي كسر!!لا ان شاء الله
بما ان تركي على وشك يكون دكتور..راح ومسك رجل الهنوف الناعمة ضغط عليها
الهنوف:آآآآآي يمممممة
تركي:هنا يعورك؟
الهنوف:ايه لاتضغط عليها تعور لاتغطها
تركي:هههههه طيب..ابشرك ماهوب كسر..خليك هنا انا بروح اجيب شنطة الاسعافات الاولية معاي في السيارة كنت حاس انه راح يصير شيء
تركي قام ومشى
الهنوف:لو سمحت؟
تركي:هلا
الهنوف:فيصل لا يصير عنده خبر بالموضوع
تركي:ابشري سرك في بير..
الهنوف حست براحة مع تركي ..رجال فاهم وواعي

تركي رجع ومعاه شنطة الإسعافات ألاوليه.. طهر رجل الهنوف بمطهر طلع الشاش الابيض ولفه على رجلها..
تركي:مرة ثانية لاتلعبين بالدباب!!ومافيه احد معاك
الهنوف:ان شاء الله..الله يجزاك خير يادكتور تركي..
تركي:ولو ماسويت الا الواجب ..تقدرين تمشين؟
الهنوف:ابي احاول خلاص انت روح تعبتك وياي
تركي:لا انا بشوفك تقدرين تمشين اولا

الهنوف قامت وحاولت تمشي وبعدين طاحت رجلها بالحيل تعورها اذا ضغطت عليها,,
تركي:اوكي لاتهتمين ابي اتصل على ريما..!!تجي تساعدك في المشي..

تركي اتصل على ريما وفهمها السالفة..اول ماجت ريما راح تركي
الهنوف:دكتور دكتور
تركي التفت لها وهو يبتسم:هلا؟
الهنوف:والله مدري كيف اشكرك..وياليت كل شبابنا مثلك..
تركي:لا تشكرين ولا شيء ..والشباب فيهم الخير والبركة..انتبهي لرجلك ولاتغطين عليها..اذا عورتك الليلة قولي لي ..!!
الهنوف:ان شاء الله
ريما:يالله الهنوف تعالي معاي..
ريما تمسك الهنوف على كتفها علشان ماتقدر تمشي..وجلست تتريق عليها وتضحك على حركتها ولقافتها..والهنوف عصبت من ريما بس آخر الوقت جلست تضحك..
دخلوا على ندى ونوف ولقوهم في سابع نومة..ريما اول ماحطت راسها نامت..اما الهنوف جلست تفكر في تركي
(لا كل الي يدور في بالي اوهام..هو دكتور واكيد متعود على كذا يعني معاملة المريض لازم يعاملهم بكل حنية واحترام..بس والله ماقصر معاي..)

: : :
العصر البنات كانوا برى بالحديقة يشربون الشاي ويسولفون ريما ونوف وندى..الهنوف المسكينة كانت نايمة..
نوف:بنات اللحين العصر خلونا نروح نلعب بالدبابات
ريما:لا والي يسلمك بعد الي صار امس ماراح العب
ندى:وش صار؟
نوف:وش السالفة؟
ريما:هاه
ندى:من قال هاه سمع!!
ريما:الهنوف امس انقلبت بالدباب
ندى:لايكون صار فيها شي؟
ريما:لا الحمد لله بس التوت رجلها
نوف:وللحين وشلونها؟
ريما:نايمة..يوم جيت ابي اصحيها قالت لي مانمت الا متأخرة..
ندى:كيف عرفتي بالموضوع..وانتي نايمة معنا انا ونوف؟
ريما:تركي قالي
نوف:افا تركي دخل بالموضوع
ريما جلست تحكي لهم السالفة..ندى بعد السالفة حبت تشوف وش مشاعر تركي اتجاة الهنوف..وكذلك الهنوف..حست ان السالفة فيها أن..

راحوا البنات يلعبون بالدبابات ..
نوف ركبت في دباب وندى بالدباب الثاني..وريما كانت خايفة بعد الي صار للهنوف
وجلسوا يلعبون فيها..كان نواف وتركي قريبـــــين من الدبابات نواف شاف ريما واقفة تشجع ندى ونوف...قربوا لهم..نوف وندى تغطوا وريما راحت عند نواف

نواف:هلا وغلا ومرحبا انا قلبي قالي ان الزين عند الدبابات
ريما:ياحبي لك والله ..
تركي:لو سمحتوا تراني موجود
نواف:هذا محمد الثاني هههههه
ريما:هههههههههه
تركي:ههههههههههه ..والله مالومه محمد انتم ماتستحون اذا رحت لحالكم قولها الي تبي..!!
نواف حب يرفع ضغط تركي:وش فيك حبيبتي ماتلعبين؟
ريما:مادري خايفة ماحب العب لحالي
نواف:وانا ولد ابوي زوجتي ماتلعب طيب قومي معي..
سحب يد ريما
ركب الدباب وريما وراه
نواف:تمسكي فيني قوة
ريما:لا توصي حريص!!يالله Go
نواف اخذ يتمشى بريما وريما مبسوطة ويقرب من عند نوف ..وريما تقهرها وتضحك عليها..
ريما:فوفو خلي نسوي في ندى مقلب كنك بتصدمها ماشفتها
نواف:هههه حرام يمكن تخاف؟
ريما:احسن ياكثر المقالب الي سوتها فيني خليني ارد شوي لها
نواف:طيب ياندى تسوي بريموتي مقلب انا اوريك..
راحوا لعندها وكأنهم راح يصدمونها
ندى:يممممممة وقفوا وقفوا يممممممممممة
نواف:هههههههههههههه
ريما:هههههههههههه تعيشين وتاكلين غيرها هههههه
ندى:طيب ياريما

نزلوا من الدبابات نوف وندى عند تركي الي كان واقف يتفرج
تركي: الحمد لله ع السلامة
ندى ونوف:الله يسلمك..
تركي:تعالي ندى شلون الهنوف اللحين؟
ندى:والله ماشفتها هي اللحين نايمة
تركي:طيب صحوها..المزرعة في ذا الوقت ماتتفوت
نوف:اللحين بروح اصحيها
ندى:يالحبيب وش عندك على بنت الناس؟
تركي ارتبك:وش دخلك انتي؟ مسكينة امس تعورت وخفت عليها
ندى:ياسلام خفت عليها
تركي:اكيد خفت لاتنسين ياندى اني دكتور وهذي مهنتي يالله عن اذنك
ندى:تركي وقف والله ما أقصد انا آسفة
تركي:معليش مو أول مرة انتي لسانك متبري منك..


الهنوف كانت جالسة برى تتنظرهم وشافت نوف جت لها سلمت عليها..وقالت لها عن الكلام الي قاله تركي..الهنوف انبسطت بس مابينت لها أي شيء؟؟

..جت ريما وندى وجلسوا مع البنات برى يلعبون في العاب الاطفال (المراجيح والرمل والحوسة هذي حقت البزارين)<يتذكرون ايام الطفولة

نواف يكلم ريما
ندى:لاحول ولا قوة الا بالله..هذا نواف ترى نشب في حلقي
الهنوف:أي والله نبي ننبسط وانتي 24 ساعة معلقة اذنك في الجوال
ريما:ههههههههه كيفي..نواف وش الصوت الي عندك؟
نواف:هذا محمد..يغني
ريما:يغني
ندى والهنوف اول ماسمعوا كلمة يغني ضربوا ريما:حطي سبكير
نوف تضحك على ندى والهنوف.. ماتدري ان محمد هو الي يغني
ريما:بالله حط سبيكر نبي نسمع صوتة
نواف:ابشري


نواف:محمد البنات يبون يسمعون صوتك..بالله غني اغنية
محمد:بدون احراج..
ريما:نواف قله ريما تقولك تكفى
نواف:ريما تقولك تكفى
محمد:طيب يامرت اخوي علشانك ماراح انسى لك التشيز كيك..بس صوتي ترى مو ذاك الزود..صوتي متواضع هههههههه
عبد الرحمن:ابوك يالمتواضع
فيصل:ياشين الغرور ههههههههههه
محمد يغنـــــــــي وكان عارف ان نوف تسمع له...ريما حطت سبيكر والبنات يسمعون ومنسجمات كان صوتة كلمة روعة قليلة بحقة....



أهمة لو كذب الي ماهمة غلاي يجول في قلبه ودمــــــة..
يبان الحب في نظرة عيونه يقول الصدق ولا ولد عمة..


يغار وغيرتة تفضح غرامة وتكشف غيرتة حتى كلامة..
يغار ويقلب الدنياء عليا يبيني دوم في قربة ويمـــــــة..


يبيني دايم بجنبه يبيني ولو انه يتظاهر مايبيني انا ادري فيه
وادري عن طباعة يخفـــي الشـــوق في قلبــــــة ويظـــمة..


يكابر وادري انه هو يكابر..وانا ادري بس لكن قلبي صابر
ابيه يبوح عن حبه وشوقة وانا الي بين خلق الله اهمـــــــــه

: : :

نوف حست انها هي الي مقصودة من كلامة بس سكتت وريما فهمت من الاغنية انه يتكلم عن نوف..
ريما:والله صوتك حلو يامحمد
الهنوف:ماشاء الله
محمد:من ذوقكم والله..
ندى تأشر للبنات يعني نبي اغنية ثانية..انسجموا مع صوتة كان عذاب
ريما:نواف قول لمحمد البنات يبون يسمعون اغنية ثانية
نواف:طيب انتي تآمرين يالغلا

ندى والهنوف يتهامسون
ندى:ياعيني والله خطير هالنواف هو كلامة
الهنوف:ايه شوفي ريما ذايبة مع صوت نواف هههههه
ندى:لايكون تحسب نواف الي يغني هههههههههه
الهنوف:ههههههههههههه
نوف كانت في عالم ثاني