أولاً
الثلاث وجبات الرئيسية لازم تقعد عليها أول وحده وما تقوم إلا آخر وحده جوعانة المسكينة يا حراااام ،، وأحيانا تزيد وجبات إضافية إذا كانت المادة دسمة هههههههههههههاااااي
* * * * * * * * * *
ثانياً
تقعد تسوي نفسها طفشانه وتعبانه ويااااااربيه ماني قادرة أذاكر مدري وشفيني حاسة بكتمة ياماما الظاهر احد صاكني بعين تقعد امها تقول باسم الله عليك تعالي اقرأ عليك يابنيتي
* * * * * * * * * *
ثالثاً
بعضهم ينزل عليها وسواس نظافة أيام الامتحانات تتروش الصبح والليل وتستشور شعرها كل مرة طبعا ما يصير تخليه يخرب وبكره كيف تروح المدرسة والكتاب على جنب طبعا هذي من واجباتها اليومية ما تقدر تتركها عشان تذاكر مايصير
* * * * * * * * * *
رابعاً
هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه زواج فلانه بنت فلان لازم تحدد ايش تلبس من الحين 000لا وبعضهم ليلة الاختبار عند المصممه رايحه تسوي بروفه 0 0
( هذا وقته )
* * * * * * * * * *
خامساً
وبعضهم تنزل عليها صلة الرحم فجأة تقوم تكلم وحده من صديقاتها القدام من زمان ما كلمتها 000تبي تشوف وش صار عليها وتشغلها عن المذاكرة 00
* * * * * * * * * *
سادسا
وهذي تحب الموبايل قالبتها تشات حشا مو مسجات وما تصحى على نفسها الا قبل الفجر بساعتين00
* * * * * * * * *
الجمعة فبراير 22, 2008 10:08 pm